1 Cronica 13:5 - Manobo Western Bukidnon OT

⁵ Umbe, miburunburun ni David is langun he menge Israilihanen, ebpuun diyà te Wahig he Shihor ziyà te Ehipto taman te Lebo Hamat, te kegkuwa te Kavan te Kebpekid-uyun te Megbevayà diyà te Kiriat Jearim.

1 Cronica 13:5 교차 참조

2 Samuel 6:1

Midtiǥum umana ni David is egkeseriǥan he menge sundaru te Israel, 30,000 is kezakel zan.

1 Hadì 4:21

Si Solomon is midumala te langun he ginhedian puun te Wahig he Eufrates pehendiyà te tanà te menge Filistihanen taman te dulunà te Ehipto. Heini he menge ginhedian ebayad te vuhis dan diyà te ki Solomon ne mibpesakup kandin dutun te uuyag pa sikandin.

1 Hadì 8:65

Midsilibra si Solomon wey is langun he menge Israilihanen is Pista te Kebaal te menge Lawig seled te pitu he andew. Utew mezakel he menge etew is nevurun he ebpuun te Lebo Hamat he zapit te zizaya pehendiyà te zal-ug te Ehipto he zapit te zivavà. Haazà is kedsilibra zan diyà te etuvangan te Nengazen he Megbevayè dan 14 he andew pudu, pitu he andew is para te kebpehinunguza zuen te valey te Nengazen, ne pitu zaan he andew is kedsilibra he para zuen te Pista te Kebaal te menge Lawig.

2 Hadì 25:21

he sakup te Hamat. Ne zutun impehimetayan sikandan duen te hadì. Umbe is menge etew ziyà te Juda nekepekeziyù diyà te tanè dan he menge vihag.

1 Cronica 13:4

Mibpemineg dutun is tivuuk he meǥinged su neehè dan he iyan haazà hustu he ebeelan dan.

1 Cronica 13:6

Midhendiyà si David wey is menge Israilihanen diyà te Baala ziyà te Juda (he iyan is Kiriat Jearim). Ne migkuwa zan dutun sikan is Kavan te Nengazen he Megbevayà. Ne zutun is Nengazen te teliwazà te menge kirubin he zutun te zivavew te Kavan.

1 Cronica 15:3

Miburunburun ni David is langun he menge Israilihanen diyà te Jerusalem te ked-uwit duen te Kavan te Nengazen diyà te lugar he inteǥana zin para kayi.

Isaias 23:3

ziyà te menge zaǥat su para mekepemasa zan wey mekepemelegyà te menge abut he ebpuun diyà te Shihor he uvey te Wahig he Nilo. Ne mibpetiǥayun diyà te keniyu is menge nasyun.

Jeremias 2:18

Guntaan, hengkey is nekuwa niw te kedangep niw ziyà te Ehipto wey Asiria? Kunaan niw vuwa ke ebpekeinum kew pa ziyà te Wahig he Nilo wey te Wahig he Eufrates.

Josue 9:17

Umbe, migenat is menge Israilihanen, ne iketelu he andew te kedhipanew zan nekeuma zan diyà te menge inged he ed-ubpan duen te menge etew. Heini he menge inged iyan is Gibeon, Kefira, Beerot, wey Kiriat Jearim.

1 Samuel 6:21

Midsuǥù sikandan te etew he ibpepenudtul ziyà te tig-Kiriat Jearim he egkaǥi te, “Inlikù te menge Filistihanen kes Kavan te Nengazen. Kuwaa niw kayi wey uwita niw ziyan te keniyu.”

1 Samuel 7:1

Migkuwa te menge tig-Kiriat Jearim kes Kavan te Nengazen ne mid-uwit dan diyà te valey ni Abinadab he ziyà te vuntud. Ne mibpilì dan sin Eleazar, he anak ni Abinadab, he iyan ibpevantey.

1 Samuel 7:2

Neumahan te 20 he tuig diyà te Kiriat Jearim kes Kavan te Nengazen, ne zutun he menge tuig midlalew wey nemengumew te Nengazen is tivuuk he Israel he ebuyù te tavang.