1 Cronica 13:13 - Manobo Western Bukidnon OT

¹³ Ne zutun neisip din he kenè din en ed-uwiten diyà te inged din haazà is Kavan. Diyè din itaǥak haazà te valey ni Obed Edom he tig-Gat.

1 Cronica 13:13 교차 참조

2 Samuel 4:3

su is nehuna he mid-ubpà kayi ne mibpemelaǥuy zan diyà te Gitaim, ne taman guntaan dutun dan en he meǥinged te kenà kandan he tanà.

2 Samuel 6:1

Midtiǥum umana ni David is egkeseriǥan he menge sundaru te Israel, 30,000 is kezakel zan.

1 Cronica 13:12

Nahandek si David te Megbevayà te haazà he andew, ne nekekaǥi sikandin te, “Ebmenmenuwen en be he meuwit heini is Kavan te Kebpekid-uyun te Megbevayà diyà te inged ku?”

1 Cronica 15:18

Is mibpilì dan he ed-uǥup kandan ne iyan is menge kezuzumahi zan ded he iyan ensi Zacarias, Jaaziel, Shemiramot, Jehiel, Uni, Eliab, Benaya, Maasea, Matitia, Elifelehu, Miknea, wey is menge ebantey te ǥemawan te Tulda he iyan si Obed Edom wey si Jiel.

1 Cronica 15:25

Umbe, melipayen he midhendiyà si David wey is menge sineriǥan te Israel, wey is menge peremandar te menge linibu he menge sundaru diyà te valey ni Obed Edom te kegkuwa te Kavan te Kebpekid-uyun te Nengazen.

1 Cronica 16:5

Si Asaf is nengulu kandan wey tigpezaǥing te menge simbal. Ne iyan sunud kandin si Zacarias, ne nesunuzan eni Jiel, Shemiramot, Jehiel, Matitia, Eliab, Benaya, Obed Edom, wey si Jiel. Iyan heini menge peretukar te menge lira wey menge alpa.

1 Cronica 26:4

Si Obed Edom wey kes walu he menge anak din he menge maama he iyan si Shemaya is kinekekayan, sunud si Jehozabad, Joa, Sacar, Netanel,

1 Cronica 26:8

Iyan heini langun menge kevuwazan ni Obed Edom. Sikandan wey is menge anak dan wey menge kezuzumahi zan, ne zuen dan egkehimu wey nengetuenan he menge terebahu. Is kahabet dan 62 langun.