1 Cronica 12:8 - Manobo Western Bukidnon OT

⁸ Duen daan menge etew he ebpuun te tribu ni Gad he miduma ki David diyà te melig-en he elesà diyà te sibsivayan. Mevurut sikandan he menge sundaru ne iyan layun egemiten dan is kelasag wey vangkew. Iring sikandan kevurut te menge erimaung wey iring sikandan keǥaan te selazeng diyà te menge vuvungan:

1 Cronica 12:8 교차 참조

2 Samuel 1:23

Utew mibmahal te menge Israilihanen si Saul wey si Jonatan su nesuatan dan sikandan. Wazè dan mekedsuwey taman te kemetayen dan. Diyà te tebek, henduen be te meǥaan pa sikandan te vanug wey mezesen dan pa te erimaung.

2 Samuel 17:10

Ne minsan is pinekemevurut he sundaru nu, he henduen te mevurut he erimaung, egkahandek. Su netuenan te langun he Israilihanen he is amey nu ne utew nelayam he ebpekidtebek wey mevurut is menge sakup din.

2 Samuel 2:18

Ne zutun, is tetelu he anak ni Zeruya he si Joab, Abishai, wey si Asahel nekezuma te tebek. Si Asahel utew meǥaan he ebpelelaǥuy he henduen te selazeng, ne midal-as din si Abner he wazà kedlilingey.

2 Samuel 23:20

Duen pa sevaha he mevurut he etew he egngezanan ki Benaya. Tig-Kabzeel sikandin, ne iyan amey zin si Jehoyada. Mibaal sikandin te wazè din iring he menge vaal, ragkes en is kedhimetayi zin te zezuwa he ventuǥan he sundaru te Moab. Duen timpu he zutun mibpendal-as din is erimaung minsan ebpenggiyew wey melandeg, ne mibpeneuǥan din duen te budsi ne midhimetayan din haazà is erimaung.

1 Cronica 11:16

ne naaǥew zan is Betlehem. Hein diyè pa si David te melig-en he elesà,

1 Cronica 11:22

Duen pa sevaha he mevurut he etew he egngezanan ki Benaya. Tig-Kabzeel sikandin, ne iyan amey zin si Jehoyada. Mibaal sikandin te wazè din iring he menge vaal, ragkes en is kedhimetayi zin te zezuwa he ventuǥan he sundaru te Moab. Duen timpu he zutun mibpendal-as din is erimaung minsan ebpenggiyew wey melandeg, ne mibpeneuǥan din duen te budsi ne midhimetayan din haazà is erimaung.

1 Cronica 12:16

Duen daan menge etew he ebpuun te tribu ni Benjamin wey ki Juda he midhendiyà te ki David diyà te melig-en he elesà.

1 Cronica 12:7

si Joela wey si Zebadia he menge anak ni Jehoram he tig-Gedor.

1 Cronica 12:9

si Ezer ne iyan pengulu zan, si Obadias is ikezuwa; si Eliab is iketelu;

2 Cronica 25:5

Mid-urgenisar ni Amazia is menge sundaru zin he ebpuun te Juda wey Benjamin. Mibpunduk din sikandan sumalà te pemilya zan ne zuen menge peremandar he impezumala zin te tig-100 wey tig-1,000 he menge sundaru. Ne mibilang din is menge sundaru zin he ebpenuiǥen te 20 wey subra pa, ne is kezakel zan ne 300,000. Memetau heini he egawed te vangkew wey kelasag.

Erubasa 28:1

Is etew he lalung tekew en ebpelaǥuy minsan wazà edal-as kandin; iyan, is etew he metazeng iring te erimaung su mevurut mulà sikandin.

Erubasa 6:5

Libriya nu is keugelingen nu iring te selazeng etawa tagbis he nekaawà he nelitaǥan te mengenganup.

Solomon 8:14

Gaanggaan ka hendini te kediey, pelanggè ku, he iring keǥaan te selazeng he edlinglingketew ziyà te menge vuntud he neeneb te menge pinemula he ebeelan he pehemut.

Jeremias 46:9

“Sigi en, menge tig-Ehipto, ipepelelaǥuy niw en is menge kudè niw wey menge kerwahi! Surung kew en ragkes is langun he kezapig niw he ebpemuun diyà te Etiopia, Libya, wey Lydia, he menge mahagtì he egamit te kelasag wey panà.

1 Samuel 23:14

Mid-eles si David diyà te menge vuvungan diyà te sibsivayan te Zif. Andew-andew is kebpen-ahaa kandin ni Saul, piru wazà iveǥey sikandin te Megbevayà ki Saul.

1 Samuel 23:29

Puun dutun, midhendiyà si David te En Gedi ne ziyà sikandin med-eles.

1 Samuel 24:22

Ne zutun mibpesarig si David. Ne mid-ulì si Saul, piru si David mulà wey is menge sakup din ne midlikù dan dutun te elesey zan.