1 Cronica 11:8 - Manobo Western Bukidnon OT

⁸ Ne mibpeumanan din haazà pepelinguti te verengbeng puun te mevavà he vahin dutun te inged. Iyan dutun midumala si Joab te kebpurung duen te zuma he vahin te inged.

1 Cronica 11:8 교차 참조

1 Hadì 11:27

Iyan heini kaaǥi te kebpekidsukulè din te hadì: Te nehuna he timpu ebpetembakan ni Solomon is mevavà he lugar he nesakup te inged te amey zin he si David, wey ebpepurungan din is berengbeng kayi.

1 Hadì 9:15

Iyan heini kaaǥi te kedtiǥum ni Hadì Solomon te menge etew he mibpeǥes din te kedterebahu zuen te kebenguna te valey te Nengazen wey te turuǥan din, kedtambak te mevavà he vahin te tanà dutun te inged, kedlig-eni te verengbeng te Jerusalem, wey ked-umana kebenguna te menge inged he Hazor, Megido, wey Gezer.

2 Hadì 12:20

Dutun te huziyan he timpu nekidsukulà kandin is menge upisyal zin, ne midhimetayan dan sikandin diyà te Bet Milo, diyà te zalan he pehendiyà te Silla.

1 Cronica 11:7

Hein naaǥew en ni David haazà is utew melig-en he kutà, diyè en sikandin med-ubpà, umbe migngezanan te menge etew haazà te Inged ni David.

1 Cronica 11:9

Utew mibmelig-en si David, tenged te edtevangan sikandin te Nengazen he Mekeǥeǥehem.

Nehemias 4:2

Diyà te etuvangan te menge zuma zin wey te menge sundaru ziyà te Samaria, migkaǥi sikandin te, “Hengkey is ebeelan kayi te mekehizuhizu he menge Judio? Kunaan dan buwa ke egkeuman dan egkevangun is menge verengbeng te Jerusalem seled dà te senga andew, ne ebpekeuman dan ebpekepemuhat. Kunaan dan buwa ke egkeǥamit dan pa is netutung wey nerupet he menge vatu zuen te verengbeng!”

Zatù 9:20

Ne emun kenà, ne verakat he dèdeeti kew ni Abimelec he iring te egkeenen kew te hapuy. Ne sikiyu is menge tig-Shekem wey menge tig-Bet Milo, ne edèdeetan niw zaan si Abimelec he iring te egkeenen sikandin te hapuy.”

Zatù 9:6

Midhendiyà is menge tig-Shekem wey is menge tig-Bet Milo te lugar he zuen duen kayu he ulayan he ziyà te Shekem ne zutun dan himuwa si Abimelec he hadì.