1 Cronica 11:5 - Manobo Western Bukidnon OT

⁵ ne migkeǥiyan dan si David, “Kenè kew ebpekeseled kayi te Jerusalem.” Piru naaǥew eni David is melig-en he kutà te Zion, ne migngezanan haazà te Inged ni David hein huziyan he timpu.

1 Cronica 11:5 교차 참조

2 Samuel 5:9

Hein naaǥew en ni David haazà is Zion, diyè en sikandin med-ubpà, ne migngezanan din haazà te Inged ni David. Ne mibpeumanan din haazà pepelinguti te verengbeng puun te mevavà he vahin dutun te inged.

2 Samuel 6:10

Ne zutun neisip din he kenè din en ed-uwiten diyà te inged din haazà is Kavan te Nengazen. Diyè din itaǥak haazà te valey ni Obed Edom he tig-Gat.

2 Samuel 6:12

Netudtulan si Hadì David he midtuvazan te Nengazen is pemilya ni Obed Edom wey is langun he ǥaked din tenged dutun te Kavan te Kebpekid-uyun te Megbevayà. Ne zutun midhendiyà si David te valey ni Obed Edom ne migkuwa zin haazà is Kavan te Kebpekid-uyun te Megbevayà su ed-uwiten din diyà te inged din duma is kelipey.

1 Hadì 8:1

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

1 Cronica 11:4

Duen timpu he migenat si David wey is menge Israilihanen su edsurungen dan is Jerusalem (he egngezanan dengan te Jebus) is menge Jebusihanen he zutun mekeubpà

1 Cronica 11:6

Migkaǥi si David, “Is minsan hentei he edhuna he edsurung te menge Jebusihanen ne iyan egkehimu he peremandar te menge sundaru.” Si Joab he anak ni Zeruya iyan midhuna. Umbe iyan sikandin nehimu he peremandar.

1 Cronica 11:7

Hein naaǥew en ni David haazà is utew melig-en he kutà, diyè en sikandin med-ubpà, umbe migngezanan te menge etew haazà te Inged ni David.

2 Cronica 5:2

Impetawag ni Hadì Solomon diyà te Jerusalem is menge edumala te Israel wey is langun he menge pengulu te menge tribu wey menge pemilya te Israel, su ibpekuwa zin kandan sikan is Kavan te Kebpekid-uyun te Nengazen puun te Zion he Inged ni David.

Salmo 122:5

Kayi te Jerusalem edhimuwa te menge hadì he menge kevuwazan ni David is husayen.

Salmo 132:13

Tutuu he mibpilì wey midtinguhà te Nengazen is Zion, he iyan edhimuwen din he ubpeey zin. Ke sikandin te,

Salmo 2:6

Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.”

Salmo 48:2

Mekempet is ketikang kayi he vuvungan ne ebpekeveǥey te kelipey te tivuuk he kelibutan. Heini is segradu he Buvungan he Zion iyan inged te Mekeǥeǥehem he Hadì.

Salmo 78:68

Su iyan din mibpilì is tribu ni Juda wey is Buvungan he Zion he utew zin minahal.

Salmo 87:5

Tutuu he egkekaǥi heini mehitenged te Zion, he mahabet he menge etew is kenà tig-Zion he ed-isipen he hustu en he tig-Zion. Ne iyan edlig-en kayi he inged is Utew Lavew he Megbevayà.

Salmo 9:11

Sikiyu is menge etew, kentahi niw te kedalig is Nengazen he edhadì diyà te Zion. Iseysey niw ziyà te menge nasyun is nengeveelan din!

Zatù 19:10

Iyan, wazè en human mebpemineg haazà is Levihanen, kekenà, migenat sikandin duma te esawa zin he mid-untud te zezuwa he asnu. Utew en mahapun hein nekeuma sikandan diyà te Jebus (he iyan is Jerusalem). Umbe migkaǥi sikan is suluǥuen duen te Levihanen te, “Deyzey vuwa ke kayi kiw zà edhizeǥà te inged te menge Jebusihanen.”

1 Samuel 17:26

Mid-insaan ni David is menge etew he nemenhitindeg diyà te uvey zin, “Hentei ves heeyan is Filistihanen he wazà mekekilala te Megbevayà? Maan is ebpemenhinggat te menge sundaru te uuyag he Megbevayà? Ne hengkey is egkezawat te etew he ebpekepatey kandin wey meengked is kebpeel-elezi zin te Israel?”

1 Samuel 17:36

Neveelan ku en heini ziyà te erimaung wey ziyà te bir, ne ebeelan ku zaan heini keniyan te Filistihanen he wazà medtuu te Megbevayà, tenged te edhinggaten din is menge sundaru te uuyag he Megbevayà.