1 Cronica 11:21 - Manobo Western Bukidnon OT

²¹ piru kenà sikandin ragkes duen te tetelu. Ne tenged te iyan sikandin nevantug he zuma zutun te 30, iyan sikandin nehimu he peremandar zan.

1 Cronica 11:21 교차 참조

2 Samuel 23:18

Si Abishai he suled ni Joab, he anak ni Zeruya iyan pengulu zutun te 30 he mevurut he menge sakup ni David. Nekepatey sikandin te 300 he menge Filistihanen pinaaǥi te vangkew zin. Umbe, nehimu he nevantug sikandin he iring duen te tetelu he mevurut he menge etew.

1 Cronica 11:20

Si Abishai he suled ni Joab, ne iyan pengulu zutun te 30 he mevurut he menge sakup ni David. Nekepatey sikandin te 300 he menge Filistihanen pinaaǥi te vangkew zin. Umbe nehimu he nevantug sikandin he iring duen te tetelu he mevurut he menge etew,

1 Cronica 11:22

Duen pa sevaha he mevurut he etew he egngezanan ki Benaya. Tig-Kabzeel sikandin, ne iyan amey zin si Jehoyada. Mibaal sikandin te wazè din iring he menge vaal, ragkes en is kedhimetayi zin te zezuwa he ventuǥan he sundaru te Moab. Duen timpu he zutun mibpendal-as din is erimaung minsan ebpenggiyew wey melandeg, ne mibpeneuǥan din duen te budsi ne midhimetayan din haazà is erimaung.

1 Cronica 12:21

Mid-uǥupan dan si David te kebpekidtebek te ebpemenurung, su menge mahagtì heini langun he menge sundaru. Umbe nehimu sikandan he peremandar te menge sundaru ni David.