1 Cronica 11:2 - Manobo Western Bukidnon OT

² Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen he Megbevayà te, ‘Elimahi nu is menge etew ku he Israilihanen he iring te ked-elima te ebantey te menge kerehidu. Iyan ka egkehimu he pengulu zan.’ ”

1 Cronica 11:2 교차 참조

2 Samuel 5:2

Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen te, ‘Elimahi nu is menge etew ku he Israilihanen te iring te ked-elima te ebantey te menge kerehidu. Iyan ka egkehimu he pengulu zan.’ ”

2 Samuel 7:7

Hein kedhalinhalin ku he zuma ku is menge etew ku he Israilihanen, wazà ad megkaǥi ziyà te menge pengulu, he midsuǥù ku te ked-elima kandan, te maan is wazè e zan tukuzi te utew mekempet he valey he zutun a ed-ezapa he sidru is menge pengawid din.’

1 Hadì 14:7

Ulì ka ne keǥiyi nu si Jeroboam te iyan heini egkeǥiyen te Nengazen he Megbevayà te Israel: Mibpilì ku sikew puun te menge etew, ne midhimu ku sikew he pengulu te menge etew ku he menge Israilihanen.

1 Hadì 3:9

Umbe, beǥayi a te ketau te kedumala kayi te menge etew nu wey te kedsavut ke hengkey is meupiya wey ke hengkey is mezaat. Su iyan dà heeyan ibpekehimu ku te kedumala kayi te menge etew nu he utew mahabet.”

Isaias 40:11

Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.

Isaias 55:4

Midhimu ku sikandin he pengulu te menge nasyun, ne pinaaǥi kandin impeehè ku kandan is gehem ku.

Jeremias 3:15

Ne ebeǥayan ku sikiyu te menge pengulu he mid-isip ku he zait he ebpengulu keniyu he zuen dan ketau wey kedsavut.

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Micas 5:4

Edumala heini he pengulu ne ed-elimahan din is menge etew te Israel he iring sikandin te perevantey te menge kerehidu. Edhimuwen din heini pinaaǥi te zesen wey gehem te Nengazen he Megbevayè din. Ne ebpengungubpaan is menge etew zin he wazè dan igkahandek su egkilelaan te menge etew te tivuuk he kelibutan is kegkemekeǥeǥehem din.

Numero 27:17

he ebpengulu kandan duen te tebek, su para kenà meiring is menge etew nu te menge kerehidu he wazà duen ebantey.”

1 Samuel 16:1

Neuma is timpu zutun, ne migkeǥiyan te Nengazen si Samuel te, “Sengemenu ves keluǥayad is kedlalew nu ki Saul? Id-awè ku en sikandin he hadì te Israel. Guntaan penua nu te lana heeyan is teleǥuey nu he sungey, ne hendiyè ka te ki Jesse he tig-Betlehem, su mibpilì ku is sevaha zutun te menge anak din he iyan egkehimu he hadì.”

1 Samuel 16:13

Ne migkuwa ni Samuel kes lana ne midlenahan din is ulu ni David he zutun te etuvangan te menge suled din. Ne puun dutun mid-ulinan si David te Mulin-ulin te Nengazen. Ne mid-ulì human si Samuel ziyà te Rama.

1 Samuel 18:13

Umbe, impekeziyù din si David kandin, ne midhimu zin he peremandar te 1,000 he sundaru. Umbe iyan si David egalen te menge sundaru te kebpekidtebek.