1 Cronica 1:32 - Manobo Western Bukidnon OT

³² Is menge anak ni Ketura he menge maama te sevaha he esawa ni Abraham ne iyan si Zimran, Jokshan, Medan, Midian, Ishbak, wey Shua. Is menge anak ni Jokshan he menge maama si Sheba wey si Dedan.

1 Cronica 1:32 교차 참조

Genesis 37:28

Hein midsaǥad haazà is menge nigusyanti he tig-Midian, mibatun dan si Jose puun dutun te vudsi, ne imbelegyè dan sikandin te 20 he vuuk he pelata. Ne mid-uwit dan si Jose ziyà te Ehipto.

1 Hadì 10:1

Hein nezineg duen te rayna ziyà te Sheba is kegkevantug ni Solomon, he nekeveǥey ziyà te Nengazen te zengeg, midhendiyà sikandin te ki Solomon su egezaman din is ketau ni Solomon pinaaǥi te ked-insà te mereǥen he edtevaken he menge insà.

1 Cronica 1:31

Jetur, Nafish, wey Kedema. Iyan heini menge anak ni Ishmael.

1 Cronica 1:33

Is menge anak ni Midian ne iyan si Efa, si Efer, si Hanoc, si Abida, wey si Eldaa. Iyan heini sikandan menge kevuwazan ni Ketura.

Job 6:19

Is menge nigusyanti he tig-Tema wey tig-Sheba he ebiyahi, ebperateng dan te wahig he egkeinum dan dutun,

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Salmo 72:15

Berakat he luǥeyazi te untung is hadì! Berakat he ebeǥey kandin te vulawan is Sheba. Berakat he layun sikandin id-ampù he tuvazi sikandin te Megbevayà.

Isaias 21:13

Heini he menge lalag ne mehitenged te Arabia: Sikiyu is menge etew ziyà te Dedan, he is menge grupu te menge nigusyanti niw he ebpemenhipanew he egkampu ziyà te sibsivayan te Arabia,

Isaias 60:6

Ne sikew, Jerusalem, egkeeneb is menge tanè nu te menge kemilyu te menge tig-Median wey menge tig-Efa. Ne zuen menge etew ziyà te Sheba he ed-uwit te menge vulawan wey menge beyewà su ed-azap dan te Nengazen.

Jeremias 25:23

Dedan, Tema, Buz, is menge mibpen-elutan is dapit te kendingen dan,

Jeremias 49:8

Sikiyu is nemen-ubpà diyà te Dedan, ebpemelaǥuy kew ne ed-eles kew ziyà te mezalem he menge surung. Su ebpeeǥiyan ku te kezeetan is menge kevuwazan ni Esau dutun te timpu te kedsiluti ku kandan.

Ezekiel 25:13

Umbe iyan a, is Nengazen he Megbevayà, migkaǥi te edsilut a ziyà te Edom ne ebpenhimetayan ku is menge etew kayi wey menge uyaǥen. Edhimuwen ku is Edom he mekevulungbulung he lugar puun te Teman taman te Dedan, ne ebpematey te tebek is menge meǥinged kayi.

Ezekiel 27:20

“ ‘Is inliwà te menge tig-Dedan te menge velegyè nu iyan is menge manggad he ebeelan he valhen.

Numero 25:6

Duen sevaha he Israilihanen he miduma zin is bahi he Midianhen diyà te pemilya zin. Naahà heini ni Moises wey te tivuuk he keet-etawan te Israel dutun te edsineǥew sikandan diyà te gemawan te Tulda he Edtelevukaayan.

Numero 31:2

“Belesi nu is menge Midianhen te mibeelan dan diyà te menge Israilihanen. Ne kegkepasad nu zutun, ebpatey ke en.”