Santiago 4:17 - Manobo Western Bukidnon

¹⁷ Tentenuzi niw he ke netuenan te minsan hentei kenitew ke hengkey is meupiya he ed-ul-ulahan ne kenè din ed-ul-ulahan, nekesalà sikandin diyà te Megbevayà.

Santiago 4:17 교차 참조

Juan 13:17

Emun egkesavut niw en heini is impenurù ku keniyu, igkelipey niw utew ke edtumanen niw.

Juan 15:22

Angin ke wazà a mekehendini te kelibutan ne wazà a zaan mekepesavut kandan su kenà sikandan egkevesulan tenged te salè dan, iyan, guntaan wazè dan en igkepesangil.

Juan 9:41

Ne midtavak si Jesus te, “Emun wazè niw metueni he lakap is kedsavut niw, wazè niw g̵eina salà, iyan, geina te egkag̵i kew he meupiya is kedsavut niw te hustu, kenà egkeawà is salè niw.”

Ruma 1:32

Netuenan dan pezem he ke ed-ul-ulahan dan is menge iring kayi, edsilutan sikandan te kemetayen he wazè din pidtemanan, iyan ebpeniguduwan dan gihapun, ne kenà duen dà taman, su utew zan egkesuat emun egkeehè dan is ulaula te zuma he iring ded te kandan.

Ruma 7:13

Ne emun meupiya is kesug̵uan, kela ke ebpekekag̵i ki he tenged te meupiya, he ke và dà egkeg̵iya, tenged te kesug̵uan, nehukuman ad te kemetayen he wazè din pidtemanan. Ne kenà iyan haazà su tenged te mezaat he mid-ulaula ku, midhukuman ad te kemetayen su wey ikepesavut kediey he utew mezaat is kedsupaka ku te kesug̵uan.

2 Pedro 2:21

Meupiya pa ke wazè dan meturedu is paag̵i te kegkehimu kandan he metazeng, kenà te neturedu zan ne mid-iniyug̵an dan ne wazè dan medtuman te sug̵ù kandan te Megbevayà he impesavut kandan.