Santiago 2:23 - Manobo Western Bukidnon

²³ Ne tenged dutun egkesavut ta he utew tutuu sikan is insurat he Lalag te Megbevayà he edhenduen te, “Midtuu si Abraham te Megbevayà, ne tenged dutun te kedtuu zin, mid-isip sikandin te Megbevayà he metazeng.” Ne migeraran sikandin he Emig̵u te Megbevayà.

Santiago 2:23 교차 참조

Marcos 12:10

Ne ke si Jesus en maan te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey he vatu, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey.

Marcos 15:27

Ne zuen dezuwa he tulisan he inransang dan daan te krus. Is krus te sevaha, ne ziyè dan ipasek te zapit te egkekewanan ni Jesus, ne is sevaha zutun, ne ziyà te zapit te egkeg̵ivang din.

Lucas 4:21

Ne ke sikandin te, “Heini is netagnà he insurat he Lalag te Megbevayà he mibasa ku, ne netuman en guntaan dini te etuvangan niw.”

Nengeulaula 1:16

“Menge suled, kenà egkehimu he kenà egketuman kes netagnà he insurat he Lalag te Megbevayà. Dengan mid-ulinan si David te Wag̵as he Mulin-ulin ne netagnè din si Hudas kes mibpalad ki Jesus diyà te edakep kandin.

Ruma 11:2

Is Megbevayà, ne kenà egkehimu he ed-engkezan din is menge etew he nepilì din dengan te wazè pa limbag̵a is minsan hengkey. Egkesavut ta heini ziyà te insurat dengan mehitenged ki Elias su hein mid-ampù sikandin diyà te Megbevayà tenged te menge mezaat he ulaula te menge zuma zin he menge kevuwazan ni Israyil, ke sikandin diyà te Megbevayà te,

Ruma 9:17

Iyan, emun iyan egkesuatan din egkehimu he kenè din egkehizuwan is etew, su penenglitan kes hadì dengan diyà te Ihiptu, wazà sikandin mehizuwi te Megbevayà su migkeg̵iyan sikandin te Megbevayà te, “Umba midhimu ku sikew he hadì su wey pinaag̵i te kegkezaag̵a ku kenikew ibpeehè ku is dekelà he g̵ehem ku ne wey mevantug a zini te tivuuk he kelibutan.”

Gelasya 3:22

Iyan, impesavut kenitew te insurat he Lalag te Megbevayà he sikitew is tivuuk he menusiyà, sakup kiw en pudu te mezaat he kebayè tew. Ne tenged kayi, wey zà edtumana te Megbevayà is menge penaad din kenita ke edsarig kiw kandin. Wey kiw zà egkeveg̵ayi te untung he wazà pidtemanan ke zuen tew kedtuu.

Gelasya 3:6

Iring din ded daan is nehitavù ki Abraham he kepuun tew zengan su zuen insurat he Lalag te Megbevayà he edhenduen te, “Midtuu sikandin te migkag̵i te Megbevayà ne tenged kayi, is Megbevayà, midawat din si Abraham ne mid-isip din sikandin he metazeng.”

2 Timoteo 3:16

Impinted te Megbevayà is kedsurata te langun he insurat he menge lalag din, ne zekelà is tavang kenita kayi te lalag emun ebpenurù ki, emun edawey ki, wey ke edsambag ki te menge tumutuu wey emun ibpenurù ta is metazeng he ulaula.

Santiago 2:24

Ne tenged dutun egkesavut ta he ed-isipen ki he metazeng te Megbevayà ke zuen menge ulaula ta he meupiya he tuus te kedtuu ta ne kenà tenged te kedtuu zà he wazè din tuus.

1 Pedro 2:6

Su zuen insurat he Lalag te Megbevayà he edhenduen te, “Duen mibpilì ku he hadì he iring sikandin te vatu he mahal utew. Idsavuk ku sikandin diyà te inged he Siyun. Iring sikandin te melig-en he vatu he ebpeuntuzan te valey. Is minsan hentei he edsarig kandin, kenè en egkeanggà, su iyan sikandin sikan is tutuu he edserig̵an.” Iyan heini insurat he Lalag te Megbevayà.