Santiago 1:26 - Manobo Western Bukidnon

²⁶ Emun iyan isip te etew is hustu is ked-ezapa zin te Megbevayà, iyan, kenè din edtengkaan is kegkag̵ikag̵i zin, wazà pulus te ked-azap din su neterteruan din dà is gehinawa zin.

Santiago 1:26 교차 참조

Mateo 15:9

Wazà pulus te kedsimbaha zan kedì su zutun te kebpenurù dan, egkeg̵iyen dan he menge sug̵ù ku is kandan dà he ebpeveelan te menge etew.’ ”

Marcos 7:7

Wazà pulus te kedsimba zan kedì su ibpenurù dan he menge sugù ku is kandan dà he ebpeveelan te menge etew.’

Lucas 8:18

Umba, purungi niw te ebpemineg is ibpenurù ku su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin haazà is kunaan din ke nesavut din en.”

1 Kurintu 15:15

Ne kenà duen dà taman su emun iyan haazà, ne egkehimu key he menge teruen he sulug̵uen te Megbevayà su impenurù dey he is Megbevayà, mibanhew zin si Kristu, iyan, emun tutuu he kenè din ebenhawen is menge minatey, wazè din en benhawa si Kristu.

1 Kurintu 15:2

Ne pinaag̵i kayi te Meupiya he Tudtulanen he impenurù ku keniyu, egkelibri kew te silut te Megbevayà emun kenè niw ed-engkezan. Su emun ed-engkezan niw kenè bes hustu is kedtuu niw.

1 Kurintu 3:18

Kinahanglan he kenè kew mebpetazin te menge ulaula niw su ke zuen sevaha keniyu he ed-isipen din he zuen ketau zin te ked-isip sumalà is ked-isipa kandin te zuma zin he menusiyà, deyzey ke ed-engkezan din is kandin he ketau wey sikandin mehimu he etew he kenà metau sumalà is ked-isipa kandin te menge etew. Ne human egkehimu sikandin he metau iyan he venar.

Gelasya 2:6

Ne zutun, minsan sikan is menge etew ziyà te Hiruselim he henduen be te menge egalen te tumutuu, wazè dan ingkepenurù kediey he idheg̵et te ibpenurù ku. Umba egkeg̵iyen ku he henduen dan te menge egalen su wazà bali ziyà te Megbevayà te igerar kenita te menge etew. Wazà id-uman dan te kediey he ibpenurù, kekenà, nesavut dan dutun he insarig kediey te Megbevayà is kedsengyawa te Meupiya he Tudtulanen diyà te menge etew he kenà Hudiyu iring te insarig din daan ki Pedro is kedsengyawa kayi ziyà te menge Hudiyu.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.

Gelasya 3:4

Wazè bes pulus te menge meupiya he tuvad keniyu tenged te kebpeketuu niw! Kenà egkehimu he wazà pulus.

Gelasya 6:3

Ke zuen minsan hentei he kunaan din ke wazà kurang te menge ulaula zin su pudu meupiya, nelimbungan din is gehinawa zin.

Ipisu 4:29

Kinahanglan he kenà ebpekezezaat is kebpemèbè niw, kekenà, iyan keg̵iya niw is menge lalag he ebpekeveg̵ey he tavang te kedtuu te menge zuma niw su wey zekelà is pulus diyà te ebpemineg sumalà is egkinehenglanen dan.

Ipisu 5:4

Kenè niw g̵emita is menge meremerik, mahawag, wey wazè din pulus he menge lalag, kekenà, layun dekelà is kebpeselemati niw te Megbevayà.

Kulusas 4:6

Kinahanglan he layun ibmeupiya te g̵ehinawa te menge etew is menge lalag niw kandan ne kinahanglan daan he iyan niw keg̵iya kandan is menge lalag he zuen din pulus ne emun ed-ul-ulahan niw heini, ne egketuenan niw ke hengkey is hustu he ketezengan he idtavak diyà te kada sevaha he etew.

Santiago 1:19

Kenè niw lipati, menge minahal ku he suled, he is minsan hentei kenitew, kinahanglan he layun andam he ebpemineg te Lalag te Megbevayà ne kenè ta ipetuwas is kenita zà he lalag ne kenè ki zaan melemu he egkepauk.

Santiago 1:22

Kinahanglan he edtumanen niw is Lalag te Megbevayà. Emun ebpemineg̵en niw zà is lalag din ne kenè niw edtumanen, henduen be te edterteruen niw is gehinawa niw.

Santiago 2:20

Utew kenà metau he ed-isip is etew he iring dutun. Ebpenuruen ku sikiyu he is kedtuu ta, emun kenà egketuusan pinaag̵i te menge ulaula ta he meupiya, ne kenà ebpekelibri kenita te silut.

1 Pedro 3:10

Duen insurat he Lalag te Megbevayà he edhenduen te, “Sikan is egkesuat he meupiya is ked-ubpè din dini te kelibutan wey layun melipey, kinahanglan he kenà mezaat is kebpemèbè din ne kenà edtarùtarù.