Ne wazà heini melipati te langun he nemekezineg. Ne netag̵ù diyà te isip dan ke hengkey vuwa is ibpeulaula keuzemà te Megbevayà dutun te vatà ke edekelè en su utew keladu he ed-ulinan te Megbevayà haazà is batà.
Ne naahà heini zutun te Perisiyu he mid-umbita ki Jesus, ne neisip din is, “Angin ke tutuu he ebpeneuven heini te Megbevayà ne kenà ebpekeeles kandin is meremerik he ulaula kayi te vahi ne wazè din pezem itug̵ut he meg̵ewezi is lawa zin kayi te vahi.”
su impesavut dey keniyu is Meupiya he Tudtulanen, kenà pinaag̵i te lalag dey zà, kekenà, pinaag̵i te g̵ehem te Wag̵as he Mulin-ulin. Midheg̵et te Megbevayà dutun is kedsevuta zey kayi. Ne netuenan niw zaan ke hengkey is menge ulaula zey he meupiya wey kew mezeyzey hein diyan key te keniyu.
Su ke zuen minsan hentei he taman dà te kebpemineg te Lalag te Megbevayà, iyan, kenè din edtumanen, iring sikandin te etew he ed-alung diyà te peg̵elungan.
Iyan, ke zuen etew he ebpurungan din ed-istudyuwi is kesug̵uan he wazè din kurang he iyan ebpekelibri kenitew, ne kenè din edlipatan, kekenà, edtumanen din, edtuvazan te Megbevayà is minsan hengkey he ed-ul-ulahan din.
Ne g̵eina te zuen andew keuzemà he zutun egkehanew is langun te iring kayi, kinahanglan he ebpurungan tew is kedsunud tew te Megbevayà para wazà igkesewayi kenitew.
