Santiago 1:17 - Manobo Western Bukidnon

¹⁷ Is minsan hengkey he ibeg̵ey kenitew he meupiya he wazè din kurang, ne ziyà ebpuun te Megbevayà he iyan nenlimbag te langun he edsig̵a ziyà te langit. Egkengehalinhalin heini, iyan, is Megbevayà, kenà mulà sikandin edhalin, ne kenà egkehalin te minsan hengkey.

Santiago 1:17 교차 참조

Mateo 7:11

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà meupiya is ibeg̵ey zin diyà te minsan hentei keniyu ke ebuyù ziyà te kandin.

Lucas 11:13

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà mebeg̵ey keniyu te Wag̵as he Mulin-ulin ke ebuyuen niw.”

Juan 1:9

Ne zutun he timpu nekeuma zini te kelibutan si Kristu, sikan is tutuu he kerayag. Iyan sikandin sikan is ebpeketayew te isip te tivuuk he menusiyà.

Juan 3:27

Ne midtavak si Juan te, “Wazà gehem te minsan hentei ke wazà iveg̵ey kandin te Megbevayà.

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 8:12

Ne mid-uman megkag̵i si Jesus diyà te menge etew, ke sikandin te, “Iyan a sikan is kerayag he ebpeketayew te isip te tivuuk he menusiyà. Ne is etew he edsundan kediey, kenà en sikandin egkesakup te g̵ehem te kerusireman, kekenà, egketeyawan is kedsavut din te kerayag he ebpekeveg̵ay te untung he wazà pidtemanan.”

Nengeulaula 11:18

Ne hein nezineg te menge tumutuu he Hudiyu haazà is ketezengan ni Pedro, mid-engkezan dan is kedsewaya zan kandin ne midalig dan is Megbevayà su ke sikandan te, “Mibulusan en bes te Megbevayà is menge kenà Hudiyu wey zan daan meiniyug̵i is mezaat he ulaula wey zan mezawat is untung he wazà pidtemanan.”

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

Ruma 6:23

Ke zuen etew he ebpevayàbayà te suat te mekesesalà he lawa zin ne zuen silut kandin he iyan is kemetayen he wazè din pidtemanan. Iyan, is etew mulà he edtuuwan din si Jesu Kristu he Nengazen tew, duen ibeg̵ey kandin te Megbevayà he iyan is untung he wazè din pidtemanan.

1 Kurintu 4:7

Kunaan niw vuwa ke lavew kew te menge zuma he tumutuu ki Kristu. Is dekelà he kedsavut niw, ne kunaan niw vuwa ke zaan heini ziyan te keniyu ne wazà iveg̵ey keniyu te Megbevayà! Su emun netuenan niw he imbeg̵ey zà heini keniyu, maan is idantal niw?

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Ipisu 1:18

Id-ampù ku he iveg̵ey zin daan keniyu is kebpurung kedsavut su wey niw metueni ke hengkey is langun he meupiya he egkeperateng tew keuzemà tenged te midhimu kiw en he menge tumutuu zin, ne wey niw zaan metueni he utew mezakel zutun is menge meupiya he idtuvad din kenitew.

Ipisu 2:8

Su tenged dà te g̵ag̵ew zin kenita, midlibri ki zin te silut dutun te kebpeketuu ta. Wazè ki melibri pinaag̵i te kenita he vaal,

Pilipus 1:29

Su is mibpeveelan keniyu te Megbevayà, ne kenà iyan dà is kedtuuwi niw ki Kristu, kekenà, elin daan is ked-entusa niw te kemeresayan tenged te kedtuu niw kandin.

1 Timoteo 6:16

Iyan sikandin wazà kemetayen. Diyà sikandin ed-ubpà te kerayag he kenà egkeuvayan. Wazà etew he nekeahà kandin ne kenà sikandin egkeahà te minsan hentei he etew. Berakat he zelig̵a sikandin wey medhadì sikandin te wazà pidtemanan.

Hibriyuhanen 13:8

Su si Jesu Kristu, ne kenà egkehalin. Iyan ded sikandin gihapun dengan, wey g̵untaan, wey keuzemà te wazè din pidtemanan.

Santiago 1:5

Ne ke zuen minsan hentei keniyu he egkereg̵enan su kenè din egketuenan ke hengkey is meupiya he paag̵i, mebuyù te ketau ziyà te Megbevayà, ne ebeg̵ayan sikandin su metulanged sikandin ne kenè ki zin edewayen ke ebuyù ki.

Santiago 3:15

Kenà haazà sikan is ketau he ebpuun te Megbevayà, kekenà, dini zà ebpuun te kelibutan. Kenà iyan is ketau he ibeg̵ey te Wag̵as he Mulin-ulin, kekenà, ebpuun te mezaat he mulin-ulin.

Santiago 3:17

Is etew he ziyà ebpuun te Megbevayà is ketau zin, wazà igkesewayi kandin. Melinew is kedepitè din te zuma he etew, ebpurungan din is menge zuma zin; kenà sikandin mevurut, kekenà, mepezumdumahan. Hihizuwen wey metulanged sikandin; wazè din ibpelavi he minsan hentei ne kenà uvag dà is kedtuu zin.

1 Juan 1:5

Ibpesavut ku keniyu is impesavut kenami te Anak te Megbevayà he is Megbevayà, iyan sikandin puunà te kerayag ne wazà minsan hengkey he merusirem diyà te kandin.

1 Juan 4:10

Is tutuu he g̵ag̵ew, kenà iyan is kebmahala tew te Megbevayà, kekenà, iyan is kebmahala zin kenitew wey is kebpehendiniya zin te Anak din su wey pinaag̵i te kebpehimatey zin mepesaylu is menge salè tew.

Impezayag 21:23

Ne kenè en daan kinahanglan is anlag te andew wey vulan he idtayew zutun su haazà is inged, ed-enlag̵an en te mekeg̵eg̵ehem he anlag te Megbevayà; sikan is nati he kerehidu ne iyan sulù dutun.

Impezayag 22:5

Wazè en dutun mezukilem ne wazè en kinahanglan he zuen pa sulù wey silà te andew su iyan sulù dan is Megbevayà he Nengazen te langun, ne edhadì sikandan te wazà pidtemanan.