Ruma 9:31 - Manobo Western Bukidnon

³¹ Iyan, is menge kevuwazan ni Israyil, kunaan dan ke egkehimu sikandan he metazeng pinaag̵i te kedserig̵i zan te kedtumana te kesug̵uan, ne nasì wazà heini mehimu.

Ruma 9:31 교차 참조

Ruma 10:20

Ne keladu pa utew is Lalag te Megbevayà he impenudtul zengan ni Esaias su edhenduen te, “Neturedu a te menge etew he kenà ebpen-ahà kedì, ne minsan ke wazè e zan iinsà, impesavut ku kandan ke hentei a,” ke sikandin.

Ruma 11:7

Ne g̵eina te iyan haazà, egkesavut ta he is menge kevuwazan ni Israyil, ebpurungan dan pezem ebpenahaa is kegkehimu kandan he metazeng, iyan, wazà mebpulus heini ziyà te kandan. Ne minsan pa zutun, duen kenà utew mezakel he menge zuma zan he nepilì te Megbevayà ne heini mulà, midhimu en sikandan he metazeng. Ne is kezekelan, migkubalan is gehinawa zan, ne kenà ed-utengan te Lalag te Megbevayà.

Ruma 3:20

Su wazà minsan hentei etawa he egkeisip te Megbevayà he metazeng pinaag̵i te kedtumana zin te kesug̵uan su layun din egkesupak is kesug̵uan. Umba imbeg̵ey is kesug̵uan su wey tew mesavut he mesinupaken kiw ves te menge sug̵ù te Megbevayà.

Ruma 3:27

Umba, wazà igkezantal te minsan hentei. Kenè ki ebpekekag̵i he iyan ketezengan ke maan is ed-isipen ki te Megbevayà he metazeng su midtuman ta is kesug̵uan su iyan idewata kenita te Megbevayà is kedtuu ta ki Jesus.

Gelasya 3:21

Ne kunaan niw vuwa ke kenà egkeuyun is kesug̵uan wey is menge penaad dengan te Megbevayà, iyan, kenà egkehimu he kenà heini egkeuyun. Su ke zuen kesug̵uan he pinaag̵i kayi egkeveg̵ayan kiw te untung he wazè din pidtemanan ne siguradu egkehimu kiw he metazeng pinaag̵i zaan kayi te kesug̵uan.

Pilipus 3:6

Ne tuus te utew meheg̵et dini te g̵ehinawa ku is kedtumana ku te menge tulumanen dey te menge Hudiyu, su mibpemesipelahan ku is menge tumutuu ki Jesus. Ne sumalà te kedtumana ku te kesug̵uan he imbilinbilin ni Moises wazè ku netuenan he supak ku te Megbevayà.