Ruma 4:10 - Manobo Western Bukidnon

¹⁰ Ne keenu heini meulaula? Dutun te wazè pa si Abraham mebpesirkunsidar, he ke và dà egkeg̵iya, te kenè pa sikandin Hudiyu, mid-isip te Megbevayà sikandin he metazeng.

Ruma 4:10 교차 참조

Ruma 4:11

Umba mibpesirkunsidar sikandin su nehimu is kedsirkunsidar he tuus diyà te lawa zin he mid-isip te Megbevayà sikandin he metazeng tenged te kedtuu zin dutun te wazè pa sikandin sirkunsidara. Ne nehimu si Abraham he kepuun tew, he ke và dà egkeg̵iya, egkeiringan te langun he edtuu, minsan te wazà sikandan sirkunsidara. Umba edtuu zan su wey isipa te Megbevayà sikandan he metazeng.

Ruma 4:9

Ne heini is kegkezeyzey he migkag̵i ni David, wazà heini ituvad kayi zà te kenami te menge Hudiyu, kekenà, intuvad daan diyà te menge etew he kenà menge Hudiyu. Su sumalà te nekag̵i ku en, si Abraham, midtuu sikandin te Megbevayà ne tenged dutun te kedtuu zin mid-isip te Megbevayà sikandin he metazeng.

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

Gelasya 6:15

Kenà ebpulus is kebpesirkunsidar ne kenà daan ebpulus is kenà kebpesirkunsidar. Iyan dekelà is pulus din is kegkehimu kenita he veg̵u en he linimbag.