Ruma 2:28 - Manobo Western Bukidnon

²⁸ Su is tutuu he Hudiyu, ne kenà iyan dà is Hudiyu he midtuusan is lawa zin pinaag̵i te kedsirkunsidara kandin, su is tutuu he kedsirkunsidar, ne kenà iyan is kedtuusi te lawa.

Ruma 2:28 교차 참조

Mateo 3:9

Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, egkehimu he ebeelan din heini is menge vatu he kevuwazan ni Abraham.

Juan 1:47

Ne hein ebpelpelingguma zan en naahà ni Jesus si Natanael, ne ke si Jesus te, “Tutuu heini he kevuwazan ni Israyil su wazè din edtembunan.”

Ruma 2:17

Ne sikiyu zaan is menge zuma ku he menge Hudiyu, kunaan niw ke egkeserig̵an niw is kedtumana niw te kesug̵uan ne ibpezalig niw is upakat niw te Megbevayà.

Gelasya 6:15

Kenà ebpulus is kebpesirkunsidar ne kenà daan ebpulus is kenà kebpesirkunsidar. Iyan dekelà is pulus din is kegkehimu kenita he veg̵u en he linimbag.

Ipisu 2:11

Sikiyu is menge etew he kenà menge Hudiyu, isipa niw is daan he kebpekesavuk niw. Is menge Hudiyu, ne ebpesirkunsidar sikandan, ne egngezanan kew zan te menge etew he kenà ebpesirkunsidar, he ke và dà egkeg̵iya, kenè niw ebpetuusan is lawa niw sumalà is kesug̵uan he imbilinbilin ni Moises.

1 Pedro 3:21

Ne iyan teg̵ialung kayi te wahig is kebewtismu he ebpekelibri kenitew te silut. Ne haazà is kebewtismu, ne kenà iyan is kedlumpiyuwi te lawa tew ziyà te wahig, kekenà, iyan is kedhengyui tew te Megbevayà he maawè din is menge salè tew. Egkehimu heini tenged te mibanhew zin si Jesu Kristu.

Impezayag 2:9

Netuenan ku is kegkeantus niw te kemeresayan; netuenan ku he egkengeayuayu kew. Ne minsan pa zutun sepian kew utew pinaag̵i te kedtuu niw. Netuenan ku he kenà benar is id-ituk keniyu te menge etew he egkag̵i he menge Hudiyu zan, iyan, kenà sikandan tutuu he Hudiyu su mibpekid-upakat dan ki Setanas.