Nengeulaula 27:33 - Manobo Western Bukidnon

³³ Ne hein meg̵aan en egkepawà, midhengyuan ni Pablo sikandan is langun he megkaan dan. Ke sikandin te, “Sepulù en wey heepat he andew is kebpekeantus tew te kegkehandek ne wazà meselezi is getek tew te minsan hengkey.

Nengeulaula 27:33 교차 참조

Mateo 15:32

Ne mid-umew ni Jesus is menge sumusundan din, ke sikandin te, “Kehizu kayi he menge etew su tetelu en he kezukileman is wazè dan medsuwey kediey, ne wazè dan en egkekaan. Kenà meupiya he ebpekeulì sikandan te wazè dan mekekaan su kela ke luyahi sikandan diyà te zalan.”

Nengeulaula 27:21

Ne zutun, neug̵et he wazè dey nekaan ne midhitindeg si Pablo ne migkag̵i te, “Menge zuma ku, angin ke mibpemineg kew te sambag ku he kenè kiw ed-awà diyà te pulu he Krita, su kenè tew g̵eina egkeseg̵azan heini is hitavù kenitew.

Nengeulaula 27:32

Ne zutun, migetas te menge sundaru haazà is menge pisì he inhiket dutun te avang wey maanud haazà is avang.

Nengeulaula 27:34

Edhengyuan ku sikiyu he megkaan kew su wey kew meteg̵ui te zesen su wey kew melibri kayi. Su wazà minsan sevaha keniyu he kenà egkelibri kayi te egkeulaula tew.”

Nengeulaula 9:19

Ne migkaan ne nekeulì is desen din. Ne seled te nepipira he andew zutun, mibpekiduma si Seulu te menge sumusundan ni Jesus diyà te Demasku.