2 Ne ziyà te Sisarya zuen barku he tig-Edremityu he edhendiyà te menge inged diyà te prubinsya he Asya. Ne mid-untud key ne migenat key. Is duma zey, ne iyan si Eristarku he tigTiselunika ziyà te prubinsya he Mesidunya.
Sengeandew zutun ne mid-untud si Jesus wey is menge sumusundan din te avang. Ne ke sikandin te, “Kuwa kew en su edlayun kiw ziyà layun.” Ne zutun migenat dan is ed-aavang.
Ne miduma kenami ki Pablo haazà is bahi he ebpengulahì te, “Heini is menge etew, menge sulug̵uen sikandan te lavew he Megbevayà. Ibpesavut dan keniyu is paag̵i wey kew melibri te idsilut din.”
Ne sikan is ebaal te kinaagman, mid-uwit dan is menge libru zan te kebaal te kinaagman ne mibinsulan dan dutun te etuvangan te langun. Ne migkuwinta zan is bali zutun te menge libru. Ne menge kelimahan he libu he elad he selapì is bali zutun.
Ne zutun nekeeneb is samuk te tivuuk he inged. Ne haazà is dezuwa he zuma ni Pablo, si Gayu wey si Eristarku he menge tigMesidunya, midakep sikandan te menge etew ne migègaanan dan uwita ziyà te tig̵umanan te menge etew.
Su zuen kayi te menge zuma tew menge tigPartya, menge tigMidya, wey menge tig-Ilam. Ne is duma kenitew, diyà ebpemuun te Misuputamya. Duen daan tigHudiya, tigKepedusya, tigPuntu, tig-Asya,
Iyan, hein neume en is kegenat dey, mid-awè key zutun te inged. Ne nemenduma kenami is langun he menge tumutuu, maama se vahi wey menge anak dan. Ne midluhud key zutun te veyvey te zag̵at is ed-ampù.
Mezakel is menge vutang he inggasa zan kenami, ne hein mid-untud key en maan te selakew en he barku, ingkarga zan daan dutun te barku is minsan hengkey he egkinehenglanen dey.
Ebpengemusta keniyu si Eristarku he zuma ku he pirisu. Si Marcos, is id-ag̵ew ni Bernabe, ne ebpengemusta zaan keniyu. Gelg̵elawa niw sikandin emun ebpekeuma ziyan. Netuenan niw en is intelaan ku keniyu mehitenged kandin.
