19 Ne te mid-ilis pa zutun he andew minsan is menge himan wey menge g̵elemiten te menge terebahanti zutun te barku, impenimbag dan en elin.
Ne g̵eina te kemulu pa is bagyu zutun te mid-ilis he andew, impuun dan impenimbag is menge karga zutun te barku su wey kenà melened.
Ne seled te mezakel he andew wazà mebpaahà kenami is andew wey menge vituen ne wazè pa med-engked haazà is bagyu he utew mezesen. Ne zutun wazè dey en isipa he egkelibri key pa.
