Nengeulaula 26:13 - Manobo Western Bukidnon

¹³ Na, Hadì Egripa, hein diyè e pa te zalan ne neudtu is andew ne midtik-awan a enlag̵i te utew merayag kenà is andew. Ne ziyà haazà ebpuun te langit ne neketanà diyà te renged dey te menge zuma ku.

Nengeulaula 26:13 교차 참조

Mateo 17:2

Ne zutun te kedtengtengi zan ki Jesus, netik-ew mahalin is dagwey zin. Utew merayag is paras din iring te andew. Ne nengenamag is bisti zin te keputì.

Nengeulaula 22:6

Ne zutun te uvey e en diyà te Demasku, neudtu is andew ne netekewtekew a enlag̵i te utew merayag he ebpuun te langit.

Nengeulaula 22:9

Ne is menge zuma ku, neehè dan haazà is merayag, iyan, wazè dan mesavut haazà is egkeg̵iyen diyà te kediey.

Nengeulaula 26:12

Ne tenged dutun midhendiyà a te inged he Demasku is ed-uwit te surat he kemetuuzan te g̵ehem he imbeg̵ey kedì te menge punuan he memumuhat.

Nengeulaula 26:14

Ne sikami is langun, nepiley key ne nezineg ku is egkag̵i te kineg̵iyan he Hibriyuhanen te, ‘He Seulu, maan is ebpesipelahan a kenikew? Edlised ka su wazà pulus te kedsukul nu kediey.’

Nengeulaula 9:3

Ne hein uvey en si Seulu te inged he Demasku, netekewtekew sikandin te zuen utew merayag he ebpuun te langit he neketayew kandin.

Impezayag 1:16

Ne ziyà te kewanan din migewezan din is pitu he vituen. Ne edlepew ziyà te vèbè din is sundang he zezuwa is gerangan din he utew meg̵arang. Ne is buked din, henduen te edsig̵a he andew he utew merayag.

Impezayag 21:23

Ne kenè en daan kinahanglan is anlag te andew wey vulan he idtayew zutun su haazà is inged, ed-enlag̵an en te mekeg̵eg̵ehem he anlag te Megbevayà; sikan is nati he kerehidu ne iyan sulù dutun.