Ne hein netuenan ku he ed-eyanan sikandin te menge Hudiyu, neisip ku he ibpeuwit diyan. Ne migkeg̵iyan ku is menge midsumbung kandin he ziyan dan ebpekeetuvang te kenikew.”
migkag̵i haazà is gubirnedur te, “Wey ku en edsusiya is insumbunga kenikew ke ebpemekeuma is midsumbung.” Ne zutun, impeventayan din te sundaru si Pablo ne ziyè din isavuk te turug̵an ni Hadì Hirudis.
Ne migkag̵i ku kandan he sikami is menge Rumanu, kenè dey igkepalad is etew he insumbung ke wazè pa sikandin mekeetuvang te menge midsumbung kandin su wey sikandin mekepengetezengan.
