14 Ne zutun midhendiyè dan te menge punuan he menge memumuhat wey te menge ebmeg̵urangen ne ke sikandan te, “Utew neheg̵et is uyun dey he kenè key egkaan wey ed-inum taman te kenè dey pa egkepatey si Pablo.
Ne hein nepawà midtig̵um is menge Hudiyu su zuen pezem ed-ul-ulahan dan ki Pablo. Ke sikandan te, “Kenè kiw egkaan wey ed-inum taman te kenè tew pa egkepatey si Pablo.”
Ne midtavak haazà is kenakan te, “Is menge Hudiyu, mid-uyun dan he keeselem, edhengyuan ke zan he uwita nu si Pablo ziyà te ketig̵uman te ebmeg̵urangen su ebpurungan dan kun ed-imbistigaha te mid-ulaula zin.
Iyan, kenè nu itug̵ut su zuen menge kepatan he etew he ed-eles su ed-ayan kandin. Meheg̵et is uyun dan he kenè dan egkaan wey ed-inum taman te kenè dan pa egkepatey si Pablo. Mid-andam dan en ne iyan dà edteg̵azan dan is sug̵ù nu.”
