Nengeulaula 21:30 - Manobo Western Bukidnon

³⁰ Ne ingkepauk haazà te langun he meg̵inged dutun te Hiruselim ne nengevurun dan ne migewezan dan si Pablo, ne miguyud dan sikandin pehendiyà te g̵awas dutun te simbahan ne midlekevan dan haazà is simbahan.

Nengeulaula 21:30 교차 참조

Mateo 2:3

Ne hein nezineg heini ni Hadì Hirudis nesemukan is gehinawa zin wey is tivuuk he tigHiruselim.

Mateo 21:10

Ne hein nekeuma si Jesus diyà te Hiruselim, mibmeg̵urub is menge meg̵inged dutun. Ebpein-inseey zan ke, “Hentei sikandin?”

Lucas 4:29

Nemenhitindeg dan ne migewezan dan si Jesus ne mid-uwit dan pehendiyà te pangpang dutun te puntur te vuvungan he zutun benguna haazà is inged dan su ed-ulug̵en dan pezem dutun si Jesus te pangpang.

Nengeulaula 19:29

Ne zutun nekeeneb is samuk te tivuuk he inged. Ne haazà is dezuwa he zuma ni Pablo, si Gayu wey si Eristarku he menge tigMesidunya, midakep sikandan te menge etew ne migègaanan dan uwita ziyà te tig̵umanan te menge etew.

Nengeulaula 26:21

Ne tenged kayi te impenurù ku midakep a te menge Hudiyu ziyà te simbahan he Valey te Megbevayà ne edhimetayan e zan pezem.

2 Kurintu 11:26

Ne zutun te menge kedhipanew ku ne nengeeg̵iyan ku is mezakel he menge kemereg̵enan tenged te kedalem te wahig, wey tenged te menge tulisan, wey tenged te menge kuntada ku he menge zuma ku he Hudiyu wey menge kenà Hudiyu. Mezakel is menge hitavù kediey ziyà te menge inged wey ziyà te wazà meg̵inged wey ziyà te zag̵at wey pinaag̵i te menge tarù he tumutuu.