Nengeulaula 20:7 - Manobo Western Bukidnon

⁷ Ne hein midsanlep en is andew zutun te andew he Sebadu midtig̵um key su wey zey metuman kes Wag̵as he Idlavung. Ne si Pablo, midweliyan din is menge etew ne taman te metaneb en is kezukileman te kedwali zin su zutun te egkepawà egenat sikandin.

Nengeulaula 20:7 교차 참조

Marcos 16:9

Ne te meselem pa utew zutun te andew he Duminggu hein nevanhew en si Jesus, midhuna sikandin mebpaahà diyà te ki Maria Megdelina, sikan is bahi he mibpeg̵uwaan din dengan te pitu he mezaat he mulin-ulin.

Lucas 22:19

Ne zutun mid-amì si Jesus dutun te egkeenen dan he supas ne mibpeselematan din daan haazà te Megbevayà. Ne mibpenevìtevì din ne impenduwal zin kandan, ke sikandin te, “Iyan heini lawa ku he ibelukas keniyu. Emun egkeenen niw heini isipa a keniyu.”

Lucas 24:35

Ne zutun, haazà is dezuwa he ebpuun te Imawus, ne mibpenudtul zan ke hengkey is nehitavù kandan diyà te zalan. Ne midtudtul zan daan he zutun dan en mekilala si Jesus hein mibpenevì din en is supas dutun te kegkaan dan.

Juan 20:1

Ne zutun te egkerkeriwaswas en te andew he Duminggu, midhendutun te surung he penlevengà si Maria Megdelina te kemulu pa merusirem. Neehè din he naawà kes batu he inlekeb dutun te g̵emawan te surung.

Juan 20:19

Ne hein mezukilem dutun te andew he Duminggu, netig̵um haazà is menge sumusundan diyà te sevaha he valey he midlekevan dan su nahandek dan te menge punuan he menge Hudiyu. Ne netekewtekew zan te ziyà si Jesus te teliwazè dan ne ke sikandin te, “Berakat he mebmelinawen kew.”

Juan 20:26

Nekewalu pa zutun, nengetig̵um en maan haazà is menge sumusundan ni Jesus duen te netig̵uman dan ded he valey, ne zutun daan si Tomas. Midlekevan dan ded haazà is baley ne minsan pa zutun netekewtekew si Jesus mekehitindeg dutun te teliwazè dan. Ke sikandin te, “Berakat he mebmelinawen kew.”

Nengeulaula 16:10

Ne zutun dà te neehè din en heini, nen-ehè key te paag̵i wey key mekelaus diyà te Mesidunya su nesavut dey he intuvad kenami is kedsengyawa te Meupiya he Tudtulanen diyà te menge tigMesidunya.

Nengeulaula 2:42

Ne te kada andew ebpemineg dan te ibpenurù kandan te menge epustul. Mibpekid-upakat dan te langun he menge tumutuu ne mibeelan dan te tedeman is kebpatey ni Jesus pinaag̵i te kegkaan te supas ne layun dan ed-ampù.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 20:11

Ne mibpemenahik maan si Pablo ne migkuwa te egkeenen ne migkaan. Ne neug̵et pa is kebpekidlalag din kandan, ne hein nepawà migenat.

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

Nengeulaula 20:5

Midhuna heini is menge zuma zey ne sikami ki Pablo, midteg̵azan key zan diyà te inged he Truwas.

Nengeulaula 20:9

Ne zuen kenakan he si Yutiku he ziyà ebpimpinuu te sulawà dutun te iketelu he endanas. Ne g̵eina te melug̵ayad is kedwali ni Pablo, ne utew nekelipezeng. Hein neug̵et wazè din en maantus is kebpekelipezeng din ne neulug diyà te tanà. Ne hein mibitbit dan, minatey en.

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

1 Kurintu 10:16

Sikitew is menge tumutuu, emun edtig̵um kiw su edtumanen tew is kedtenuzi te kebpatey ni Kristu, duen ed-inumen tew he ebpeselematan tew te Megbevayà. Tuus heini he mibpelisan kiw en te lengesa ni Kristu. Ne is supas he ebpenebtevien tew ne egkeenen tew, kebpekeambit tew heini te lawa ni Kristu.

1 Kurintu 15:10

Iyan, utew zekelà is hizu kediey te Megbevayà. Umba nehimu a he epustul su zuen pulus te kegkehizuwi zin kediey. Tenged kayi, dekelà is nehimu ku kenà te nehimu te langun he menge zuma ku he epustul, asal, kenà a iyan is nekehimu kayi, kekenà, nehimu heini is langun pinaag̵i te tavang te Megbevayà.

1 Kurintu 16:2

Ne kada Duminggu ne kinahanglan he teg̵enaha te kada sevaha keniyu is ibeg̵ey zin diyà te Megbevayà. Sumalà is netig̵eyunan niw ne kinahanglan he iteg̵eley niw is bahin te Megbevayà. Ne tipig̵i niw heini su wey emun ebpekeuma ad diyan ne wazè en kinahanglan he ed-emutè kew pa su zaan en he naandam.

2 Timoteo 4:2

Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.

Impezayag 1:10

Ne zutun te sevaha he andew he Duminggu, utew mezesen is ked-uwita kedì te Wag̵as he Mulin-ulin ne zuen impeehè din kedì. Diyà te egkeiniyug̵an ku nezineg ku is egkag̵i he iring te vudyung su utew mezag̵ing,