Nengeulaula 16:26 - Manobo Western Bukidnon

²⁶ Ne zutun midtik-ew medlinug te utew mezesen ne nepurung mehuyung haazà is pirisuwan. Ne segugunà nepuwas is menge lekeb dutun te pirisuwan ne nengetangtang is menge pusas te langun he menge pirisu.

Nengeulaula 16:26 교차 참조

Mateo 28:2

Ne zutun netekewtekew medlinug te utew mezesen. Ne zuen ebpuun diyà te langit he velinsug̵uen te Nengazen. Ne mibpenaug haazà ne in-awè din kes batu he inlekeb dutun te surung ne mid-untuzan din.

Nengeulaula 12:10

Ne midlevayan dan is aney en he guwardya zutun te ibayè dan ne human is ikezuwa, ne te kebpekeuma zan dutun te lekeb he putew te pultahan he ziyà ipesinaru te inged, netekewtekew mepuwas dà duen haazà te wazà mibpuwas duen ne migawas dan dutun. Ne midlaus dan is dezuwa, ne te kegketegteg̵aad te kedhipanew zan ne nahanew haazà is belinsug̵uen, ne netag̵ak si Pedro zutun te sebsevaha zin.

Nengeulaula 12:7

Ne netekewtekew te zuen mibpaahà kandin he velinsug̵uen te Nengazen ne zuen daan neketayew zutun te seled te pirisuwan. Ne migewezan dutun te velinsug̵uen si Pedro ziyà te kilid ne migunggel zin ne mibpukew zin. Ke sikandin te, “Enew ka gaanggaan.” Ne zutundutun naawà is menge kedina ziyà te menge velad ni Pedro.

Nengeulaula 4:31

Ne hein nekeampù dan, ne neg̵ezam dan he egkehuyung haazà is baley he netig̵uman dan. Ne mibpurungan ulini te Wag̵as he Mulin-ulin is kada sevaha kandan, ne wazè dan ikehandek is kedsengyawa zan te Lalag te Megbevayà.

Nengeulaula 5:19

Ne zutun te mezukilem, netekewtekew puwasi te velinsug̵uen te Nengazen haazà is pirisuwan ne impaawè din dutun is menge epustul

Impezayag 11:13

Ne segugunà midlinug te utew mezesen. Ne nengerundus is ikesepulù he vahin te menge valey zutun te inged. Ne neg̵erà zutun te linug is pitu he libu he menge etew. Ne utew nengehandek dutun is menge etew he naawas dutun te linug ne midalig dan is mekeg̵eg̵ehem he Megbevayà he ziyà te langit.

Impezayag 6:12

Ne neehè ku he id-awà dutun te nati he kerehidu is ikeenem he tiyap dutun te velesahan. Ne zutun midlinug he utew mezesen ne mibmeitem is andew ne henduen be te manggad he saku he meitem utew. Ne mibmerig̵à is bulan he iring te lengesa.