Nengeulaula 16:16 - Manobo Western Bukidnon

¹⁶ Sengeandew zutun te edhendiyè key te elempuey zan, midsinug̵ung kenami is bahi he uripen he mid-ulinan te mezaat he mulin-ulin he ibpeketagnè din. Ne zekelà is selapì he nekuwa te teg̵iuripen kandin pinaag̵i te kebpenagnè din.

Nengeulaula 16:16 교차 참조

Nengeulaula 16:13

Ne zutun te Sebadu he iyan Andew te Kedhimeley, mid-awè key ziyà te inged ne midhendiyè key te veyvey te wahig su ed-ahaan dey ke zuen be zutun edtig̵uman te menge Hudiyu he ed-empuan dan te Megbevayà. Ne zuen menge vahi he nengetig̵um dutun, ne mibpinuu key ne mibpekidlalag key kandan.

Nengeulaula 16:18

Ne kada andew zutun iyan en haazà ed-ul-ulahan din. Ne te malù neug̵et, si Pablo, kenè en ebpekeantus ne midlilingey ne migkeg̵iyan din haazà is mezaat he mulin-ulin te, “Pinaag̵i te g̵ehem te ngazan ni Jesu Kristu, egkeg̵iyan ku sikew he med-awè ka keniyan te vahi!” Ne zutundutun mid-ewaan haazà is bahi te mezaat he mulin-ulin.

Nengeulaula 16:19

Ne is menge teg̵iuripen dutun te vahi, hein netuenan dan he naawà is kegketig̵ayun dan pinaag̵i zutun te vahi, ne migewazan dan si Pablo wey si Silas ne miguyud dan pehendiyà te menge punuan te inged he zutun te pelasa.

Nengeulaula 19:24

Duen dutun etew he pandey he egngezanan ki Dimitriyu. Ne zekelà is genansya te menge sinuhulen din te kebpemaal te menge zeisek he pemuhatà he pelata he idtahud te ziwata zan he si Diana.

Gelasya 5:20

is ked-ezapa te kenà hustu he ed-ezapen, wey is kegemita te g̵ehem he ibeg̵ey ni Setanas. Ebpekigkuntada is menge etew; ebpekidtebek dan; egkesina zan; egkengepauk dan; iyan dà ed-isipen dan is kandan dà he egkesuatan. Ne ed-engkezan dan is kebpekidsevaha zan te menge zuma zan.

1 Timoteo 6:10

Su ke zuen etew he susuaten te selapì ne egkehimu he egkeulaula kandin is minsan hengkey he mezaat. Pinaag̵i kayi neiniyug̵an te zuma is tuluuwen tew ne tenged kayi nehimu he utew mezakel is menge keseengan dan.

2 Timoteo 3:8

Haazà is menge maama zaan, edsumpalit dan te tutuu he tuluuwen. Netazin en utew is isip dan ne uvag dà is kedtuu zan te Nengazen. Iring sikandan ki Hanis wey ki Hembiris he midsumpalit dengan ki Moises.

2 Pedro 2:3

Tenged te suat dan te selapì, ebpenepian kew zan pinaag̵i te penurù dan he tarù. Daan en he midteg̵ana is silut kandan; andam en is Megbevayà te kedsilut kandan.