7 Ne zutun nezineg ku is egkag̵i te, ‘He Pedro, lapè ka wey ka mekekaan.’
Ne midtengtengan ku ne neehè ku is tag̵ù din he menge keranapranap, iring te menge langgam, menge uled, wey menge tagbis.
Ne midtavak a te, ‘Kenà a, Nengazen, su wazè e pa mekekaan te minsan hengkey iring keniyan te meremerik he indawey te kesug̵uan.’
Meupiya is minsan hengkey he egkeenen he midlimbag te Megbevayà ne kinahanglan he kenè tew egkeg̵iyen he mezaat is minsan hengkey, kekenà, edewaten tew wey ebpeselematan tew.
