Pudu menge sempità is impezineg ni Jesus diyà te menge etew, iyan, emun iyan dan dà te menge sumusundan din, ne ibpesavut din kandan is kehulug̵an dutun te menge sempità he penurù din.
Ne siak daan guntaan, geina te mibpurungan ku te ed-istudyu heini, puun pa te puunà kayi te nengeulaula, neisip ku he meupiya zaan ke ebpurungan ku kenikew te edsurat is kegug̵uza kayi te langun.
Ne hein nekeuma zan diyà te Entiyukya, midtig̵um dan is menge tumutuu ne midtudtul zan is langun he nehimu te Megbevayà pinaag̵i kandan wey is kedhimuwa zin te paag̵i wey meketuu is menge etew he kenà Hudiyu.
