Nengeulaula 1:26 - Manobo Western Bukidnon

²⁶ Ne hein nepasad dan te ed-ampù midripa zan haazà is dezuwa ne iyan neripahan si Matias, ne nehimu sikandin he sevaha te menge epustul iring dutun te sepulù wey sevaha.

Nengeulaula 1:26 교차 참조

Marcos 6:30

Ne is menge epustul ni Jesus, nekelikù dan diyà te kandin, ne midtudtul zan diyà te kandin is langun he mid-ulaula zan wey impemenurù dan.

Nengeulaula 1:23

Ne mibpilian dan is dezuwa he maama, si Jose Hustu wey si Matias. (Is sevaha he ngazan kayi te si Jose ne si Bersabas.)

Nengeulaula 13:19

Is menge meg̵inged dutun te pitu he g̵inhedian diyà te tanà he Kenaan, nengezaag sikandan te Megbevayà ne impaangken din is tanè dan te menge kepuun tew. Is ked-ul-ulaha te Megbevayà dutun te langun, ne seled te heepat he g̵atus wey kelimahan he tuig.

Nengeulaula 2:14

Ne zutun midhitindeg si Pedro ne midhitindeg daan haazà is menge zuma zin he sepulù wey sevaha he epustul. Ne mibpekezesen sikandin he egkag̵i te, “Sikiyu is menge zuma ku he menge Hudiyu wey langun niw te menge meg̵inged dini te Hiruselim, pemineg kew wey niw mesavut is egkeg̵iyen ku.

Impezayag 21:14

Ne is elavat dutun te inged, ne sepulù wey zezuwa is impepinuuwan dutun he zekelà he vatu. Ne midsuratan haazà is menge vatu te menge ngazan te sepulù wey zezuwa he menge epustul zuen te nati he kerehidu.