28 Ne hein mid-ulì en si Jesus diyà te valey zin, nekeuma zaan haazà is dezuwa he lakap. Ne migkeg̵iyan din sikandan te, “Edtuu kew ve he egkeulian ku is mata niw?” Ne midtavak dan te, “Uya, Datù, edtuu key.”
Ne zutun mid-ewaan ni Jesus haazà is mezakel he menge etew ne midseled sikandin diyà te valey. Ne is menge sumusundan din, midtelukun dan kandin, ne ke sikandan te, “Luwasa nu kenami ke hengkey is kehulug̵an te menge mezaat he pinemula ziyà te kamet he zuen te sempitè nu.”
Ne zutun, duen it-iten he mid-uvey ziyà te kandin. Ne heini is it-iten, midluhuzan din si Jesus ne migkag̵i te, “He Zatù, emun meupiya zà te g̵ehinawa nu netuenan ku he egkeulian a kenikew kayi te utew meremerik he egezamen ku.”
Ne midlingì si Jesus ne neehè din haazà is bahi ne ke sikandin te, “Bayi, kenè ka mahandek; su umba neulian ka te zaru nu su midsarig ka kedì.” Ne zutundutun neulian haazà is bahi.
Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”
