33 Ne nekeuma zan diyà te migngezanan te Gulguta, he ke và dà egkeg̵iya, Tulan te Ulu.
Ne hein liwazè en he ebpenaug is andew zutun, ingkulahì ni Jesus is utew mezag̵ing he lalag he edhenduen te, “Ili, Ili, lama sebektani,” he ke và dà egkeg̵iya, “He Megbevayè ku, maan is ed-iniyug̵an a kenikew?”
Ne hein neudtu is andew zutun ne midtik-ew mebmerusirem is tivuuk he kelibutan seled te menge tetelu he uras.
