20 Iyan, is menge punuan he memumuhat wey is menge ebmeg̵urangen, migkeg̵iyan dan is menge etew zutun he iyan dan hengyua he melibri si Berabas ne si Jesus, ibpehimetayan.
Ne mid-uman med-insà kandan haazà is gubirnedur te, “Hentei zapit kayi te zezuwa is egkesuatan niw he edlibriyen ku?” Ne ke sikandan te, “Iyan si Berabas.”
Iyan, is menge punuan he memumuhat, migkeg̵iyan dan is menge etew he iyan dan hengyua he edlibriyen si Berabas. Ne iyan haazà mid-ulaula zutun te menge etew.
Ne kada Sebadu edhendiyà si Pablo te menge simbahan te menge Hudiyu is ebpekidlewanà su wey mesavut te menge Hudiyu wey menge Gerisyahanen he tutuu is ibpenurù din.
