Mateo 26:14 - Manobo Western Bukidnon

¹⁴ Ne te iyan daan haazà he timpu, sevaha zuen te sepulù wey dezuwa he sumusundan, sikan is migngezanan ki Hudas he tigKeriyuti, midhendiyà sikandin te menge punuan he memumuhat.

Mateo 26:14 교차 참조

Mateo 10:4

wey si Simon is sevaha he sakup te upakat he Kenenista wey si Hudas kes tigKeriyuti he iyan mibpalad ki Jesus diyà te menge Hudiyu.

Mateo 26:25

Ne zutun migkag̵i si Hudas, kes ed-akal kandin te, “Menunudlù, iyan e ve ed-akal kenikew?” Ne ke si Jesus te, “Uya, iyan ka.”

Mateo 26:47

Ne te kemulu pa zutun egkag̵i si Jesus, nekeuma si Hudas is sevaha zuen te sepulù wey zezuwa he epustul. Duma zin is mezakel he menge etew he nengeg̵umeenan te menge ubpit wey menge lagkut. Menge sug̵ù haazà te menge punuan te memumuhat wey menge ebmeg̵urangen te menge Hudiyu.

Mateo 27:3

Ne si Hudas, sikan is mid-akal ki Jesus, utew nekedsendit hein netuenan din he edhimetayan duen te menge etew si Jesus su nekag̵i zan he zait is ulaula ni Jesus he igkehimetayi kandin. Ne midhendiyà sikandin te menge punuan he memumuhat wey menge ebmeg̵urangen te menge Hudiyu su id-ulì din pezem sikan is ketluan he vuuk he selapì.

Juan 12:4

Ne si Hudas he tigKeriyuti, is sevaha he sumusundan ni Jesus, iyan sikandin ed-akal ki Jesus ne migkag̵i sikandin te,

Juan 13:2

Si Jesus wey is menge sumusundan din, ne edlavung dan dutun. Ne si Hudas he tigKeriyuti he anak ni Simon, daan en he impeseled ni Setanas diyà te isip din is ked-ekali zin ki Jesus.

Juan 13:26

Ne midtavak si Jesus te, “Emun igkezehulit ku en heini is supas, ne is ebeg̵ayan ku, iyan sikandin.” Ne indehulit din haazà is supas, ne imbeg̵ey zin ki Hudas he anak ni Simon he tigKeriyuti.

Juan 13:30

Ne hein nekaan ni Hudas haazà is supas, midlawang ne mezukilem en dutun.

Juan 18:2

Ne si Hudas, sikan is ed-akal kandin wey mehimetayi, netuenan din haazà is mibpunduwan dan su si Jesus wey is menge sumusundan din, layun dan edtig̵um dutun.

Nengeulaula 1:16

“Menge suled, kenà egkehimu he kenà egketuman kes netagnà he insurat he Lalag te Megbevayà. Dengan mid-ulinan si David te Wag̵as he Mulin-ulin ne netagnè din si Hudas kes mibpalad ki Jesus diyà te edakep kandin.

Nengeulaula 1:18

(Ne si Hudas, impemasa zin te tanà kes insuhul kandin tenged te kelelalung din ne neulug sikandin ne nekelangkeb ne mibetu is getek din ne nekepeyapat is bituka zin.