Mateo 25:4 - Manobo Western Bukidnon

⁴ Ne haazà is memetau, kada sevaha kandan mid-uwit te sulù lapik is gas he intag̵ù te butilya he teg̵ana ke egkeamin is gas dutun te sulù dan.

Mateo 25:4 교차 참조

Mateo 10:16

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Mateo 25:2

Is lelima kandan, ne tulebung; ne is duma zan he lelima, ne memetau.

Mateo 25:3

Haazà is menge tulebung, mid-uwit dan is menge sulù dan, iyan, wazà gas he mid-uwit dan he teg̵ana ke egkeamin is gas dutun te seled te sulù dan.

Mateo 25:5

Ne g̵eina te neug̵et mekeuma sikan is ebpengesawa, ebpemekezungkàdungkè dan en dutun is edtag̵ad he ebpemekelipezeng.

Mateo 7:24

Ne minsan hentei he nekezineg kayi te langun he sambag ku ne ebpezumdumahan din, iring sikandin te etew he uluwanen, su heini is uluwanen, diyà mebevaley te zivavew te zekelà he vatu.

Juan 3:34

Ne is midsug̵ù te Megbevayà, egkeg̵iyen din is ibpekag̵i kandin te Megbevayà su is Megbevayà, mibpepurungan din sikandin peulini te Wag̵as he Mulin-ulin.

Ruma 8:9

Ne sikita mulà, kenè ki en ebeyveyaan te mezaat he suat te lawa ta su emun dini ed-ubpà te kenita is Wag̵as he Mulin-ulin ebeyveyaan ki te Wag̵as he Mulin-ulin. Ne ke zuen etew he wazà diyà te kandin is Wag̵as he Mulin-ulin he midsug̵ù ni Kristu, kenà sikandin sakup ni Kristu.

2 Kurintu 1:22

ne mibeg̵ayan kiw zin te g̵ehem he tuus he menge g̵aked kiw zin, ne midhimu zin he ulini kiw te Wag̵as he Mulin-ulin he iyan tuus he edtumanen din is minsan hengkey he penaad din kenitew.

1 Juan 2:20

Sikiyu mulà, mibpeulinan kew ni Kristu te Wag̵as he Mulin-ulin ne tenged dutun nesavut niw te langun is tutuu he tuluuwen.

1 Juan 2:27

Iyan, sikiyu, wazà kinahanglan he zuen selakew pa he ebpenurù keniyu su mibpeulinan kew en ni Kristu te Wag̵as he Mulin-ulin. Pinaag̵i zutun egkesavut niw is langun he ibpesavut keniyu ni Kristu. Tutuu mulà ne kenà tarù haazà is ibpesavut din keniyu umba kinahanglan he hemeni niw is kebpekidsevaha niw kandin sumalà is impenurù en keniyu.

Hudas 1:19

Ne haazà is menge etew he netagnè dan, iyan igkevahinbahin niw te menge tumutuu. Iyan dà egkeisip dan is egkesuatan dan dini te kelibutan ne wazà diyà te kandan is Wag̵as he Mulin-ulin.