Mateo 23:3 - Manobo Western Bukidnon

³ Umba, kinahanglan he ebentayan niw wey edtumanen niw is minsan hengkey he penurù dan keniyu. Iyan, kenè niw iringi mulà is ulaula zan su kenè dan edtumanen is ibpenurù dan keniyu.

Mateo 23:3 교차 참조

Mateo 21:30

Ne mibeyaan daan dutun te etew is hazi ne iyan ded daan insug̵ù din haazà is insug̵ù din duen te sevaha he anak din. Ne mid-uya haazà is hazi zutun te migkag̵i kandin, iyan, wazè din beeli haazà is ibpeveelan kandin.”

Mateo 23:2

“Is menge menunudlù te kesug̵uan wey menge Perisiyu, insarig kandan is kebpenurù te kesug̵uan he imbilinbilin ni Moises.

Mateo 23:4

Utew mezakel is mereg̵en he tulumanen he ibpetuman dan te menge etew, iyan, wazà minsan hengkey he idtavang dan dutun te menge etew wey meketuman haazà is etew zutun te ibpetuman dan.

Nengeulaula 5:29

Ne zutun midtavak si Pedro wey is duma he menge epustul te, “Kinahanglan he edtumanen dey is sug̵ù te Megbevayà kenà is menge sug̵ù he mibeelan te etew.

Ruma 13:1

Ne kinahanglan he edtuman kiw te velaud te gubirnu is minsan hentei kenitew. Su wazà ebpemunuan te inged he wazà itug̵ut te Megbevayà he mekepemunuan wey wazà gubirnu he wazà tukuza te Megbevayà.

2 Timoteo 3:5

Uvag sikandan ed-azap te Megbevayà, iyan, kenè dan edtuu he zuen gehem din. Likayi nu is menge etew he iring dutun.

Tito 1:16

Duen menge etew he egkeg̵iyen dan he emig̵u sikandan te Megbevayà, iyan, pinaag̵i te menge ulaula zan egketuusan ta he kuntada sikandan te Megbevayà. Utew zin sikandan egkeepesi su kenè dan ebpememineg te tutuu he tuluuwen. Ne tenged dutun kenè dan dait he ibpeulaula zin te minsan hengkey he meupiya.