Ne hein iyan en edsuhulan sikan is nengehuna zutun, nekeperateng dan he lavew pa te insuhul zutun te utew nengehuziyan he neketerebahu is idsuhul kandan, iyan, tigsengeelad ded daan he pelata is insuhul kandan.
Is aney he nengeehè din, mid-uyun dan he ebeyazan din is uman sevaha kandan te sengeelad he pelata su iyan haazà neleyaman he suhul te sevaha he etew te sengeandew. Ne zutun impepuun din en haazà is menge etew he edsuhulan din ipeterebahu zutun te perasan din.
Ne hein mezukilem en migkeg̵iyan dutun te etew is sinerig̵an din te, ‘Umawa nu sikandan is ebpemenerebahu ne suhuli nu. Iyan nu hunai te edsuhul sikan is nengehuziyan, ne human sikan is nengehuna.’
