Mateo 19:27 - Manobo Western Bukidnon

²⁷ Ne zutun migkag̵i si Pedro te, “Ahaa nu man, mid-ewaan dey is langun he menge azen dey wey key mekesunud kenikew. Ne hengkey is idsuhul kenami?”

Mateo 19:27 교차 참조

Mateo 19:26

Ne zutun midtengtengan sikandan ni Jesus te egkag̵i te, “Kenà iyan egkehimu te etew; iyan, egkehimu mulà te Megbevayà he ibpaangken din is etew te untung he wazà pidtemanan su egkehimu zin is langun.”

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 9:9

Ne mid-ewaan sikandan ni Jesus ne zutun te ibayè din neehè din is menunukut te vuhis he egngezanan ki Mateo he zutun he timpu ebpimpinuu ziyà te upisina zin. Migkeg̵iyan ni Jesus te, “Sunud ka kedì.” Ne zutun midhitindeg si Mateo ne midsunud ki Jesus.

Marcos 10:28

Ne zutun migkag̵i si Pedro te, “Ahaa nu man, mid-ewaan dey en is langun he menge azen dey wey key mekesunud kenikew.”

Marcos 2:14

Ne hein nepasad haazà is kebpenurù din ne midlaus si Jesus, ne ziyà te ibayè din duen upisina te menunukut te vuhis. Ne zutun neehè din is anak ni Alpiyu he si Levi he menunukut te vuhis he ebpimpinuu zutun. Ne migkeg̵iyan din te, “Sunud ka kedì.” Ne zutun midhitindeg si Levi ne midsunud ki Jesus.

Lucas 14:33

Ne iring din ded daan,” ke si Jesus, “su sikiyu is edsundan kediey, kenè kew egkehimu he tutuu he menge sumusundan ku emun kenè egkeawà diyà te g̵ehinawa niw is ked-engkezi niw te langun he egkenug̵unan niw.”

Lucas 15:29

Ne midtavak haazà is anak din te, ‘Tenuzi nu, Amà, ke sengemenu is keug̵et te kedterebahu ku kayi he iring te sulug̵uen nu. Wazè nu egketenuzan he sug̵ù nu he wazè ku pemineg̵a te minsan hengkey he timpu. Ne minsan pa zutun ne wazà a kenikew veg̵ayi te minsan kambing dà duen wey a mekelipeylipey zuma te menge emig̵u ku.

Lucas 18:28

Ne zutun migkag̵i si Pedro te, “Sikami, mid-ewaan dey is langun he menge azen dey wey key mekesunud kenikew.”

Lucas 5:11

Ne zutun mid-uwit dan haazà is menge avang dan diyà te g̵eunan, ne mid-ewaan dan dutun is langun ne midsundan dan ki Jesus.

1 Kurintu 1:29

Ne tenged kayi wazà minsan hentei he ebpekezantal te ketau zin wey g̵ehem din diyà te etuvangan te Megbevayà.

1 Kurintu 4:7

Kunaan niw vuwa ke lavew kew te menge zuma he tumutuu ki Kristu. Is dekelà he kedsavut niw, ne kunaan niw vuwa ke zaan heini ziyan te keniyu ne wazà iveg̵ey keniyu te Megbevayà! Su emun netuenan niw he imbeg̵ey zà heini keniyu, maan is idantal niw?

Pilipus 3:8

Ne kenà dutun dà taman is mid-engkezan ku, kekenà, mid-eminan ku engkezi is minsan hengkey he zekelà dini te g̵ehinawa ku su wey ku mekuwa is utew pa lavew he mahal he iyan is kebpekidsevaha ku ki Jesu Kristu te Nengazen ku. Tenged kandin mid-engkezan ku is langun ne mid-isip ku heini he abper zà dini te kelibutan wey a mekepekidsevaha ki Kristu,