Mateo 18:35 - Manobo Western Bukidnon

³⁵ Ne,” ke si Jesus te, “iring ded daan kayi is ed-ul-ulahan te Amey ku he ziyà te langit diyà te uman sevaha keniyu emun kenà tutuu is kebpesaylu niw te minsan hentei he zuma niw.”

Mateo 18:35 교차 참조

Mateo 18:34

Ne utew nererengiti haazà is hadì ne impepirisu zin haazà is etew su edsilutan taman te kenè pa sikandin ebpekevayad dutun te langun he neutang din.

Mateo 6:12

peseyluwa key te menge salè dey iring te nekepesaylu key te nekesalà kenami.

Marcos 11:25

Ne emun ed-ampù kew ziyà te Megbevayà, ke zuen egkepeukan niw he minsan hentei, peseyluwa niw, ne is Amey niw he Megbevayà he ziyà te langit, ebpeseyluwen kew zin daan te menge kebpekesupak niw kandin.

Marcos 11:26

Su emun kenè kew ebpesaylu te zuma niw, is Amey niw he ziyà te langit, kenè kew zin daan ebpeseyluwen te menge kebpekesupak niw.”

Lucas 16:15

Ne zutun migkag̵i si Jesus diyà te kandan te, “Iyan kew sikan is henduen be te meupiya is ulaula ke ziyà te etuvangan te menge etew, iyan, wazà mekeeles te Megbevayà ke hengkey is diyà te isip niw. Is ed-isipen te etew he utew mahal, ne wazè din bali ziyà te Megbevayà.

Santiago 2:13

Su is Megbevayà, kenè din keuzemà egkehizuwan is etew he wazè din hizu te zuma zin. Iyan, is etew mulà he hihizuwen, wazà kinahanglan he egkehandek sikandin su kenà sikandin edsilutan te Megbevayà.

Santiago 3:14

Iyan, emun egkesina sikandin wey mepelevawen, kinahanglan he kenè din izantal is ketau zin wey is meupiya he ulaula zin su tarù is ketau he iring dutun ne ebpekesupak te tutuu he tuluuwen.

Santiago 4:8

Aput kew ziyà te Megbevayà ne ed-uvayan kew zin. Sikiyu is mekesesalà, engkezi niw is menge ulaula niw he mezaat. Sikiyu is uvag dà is kedtuu zan, pelumpiyuwi niw te Megbevayà is isip niw wey g̵ehinawa niw.

Impezayag 2:23

Ne is menge sumusundan din, edhimetayan ku. Is menge tumutuu ziyan te langun he menge inged, egketuenan dan he iyan a nesayud ke hengkey is diyà te isip wey g̵ehinawa te etew. Ibeg̵ey ku ziyà te kada sevaha is engayan he igkeveg̵ey kandin sumalà te menge ulaula zin.