Mateo 18:27 - Manobo Western Bukidnon

²⁷ Ne nehizuwan haazà is etew zutun te hadì ne mibpesaylu zin ne wazè din en ipevayad dutun te utang din diyà te kandin. Ne impeulì din.

Mateo 18:27 교차 참조

Mateo 18:28

Ne zutun mid-awà haazà is sulug̵uen ne neuma zin is sulug̵uen daan dutun te hadì he utangan diyà te kandin haazà is iring din he sulug̵uen te pira zà he pisus. Ne migewezan din haazà ne mibpekel zin te egkag̵i te, ‘Beyazi nu kes utang nu kedì!’

Mateo 18:32

Ne impetawag dutun te hadì haazà he sulug̵uen, ne migkeg̵iyan din te, ‘Uripen ka he lalung! Mibpesaylu ku sikew ne in-awè kud diyà te kenikew is utang nu tenged dà te midhangyù ka kediey.

Lucas 7:42

Ne hein kenà ebpekevayad haazà is dezuwa he utangan, ne migkag̵i haazà is neutangan dan he kenè dan en beyazi haazà is utang dan.” Ne mid-uman megkag̵i si Jesus te, “Hendei zapit dutun te zezuwa he etew he nekeutang is lavew he utew mahal diyà te g̵ehinawa zin haazà is neutangan dan?”

Lucas 7:43

Ne ke si Simon te, “Iyan buwa lavew he utew zekelà is gehinawa zin te etew he neutangan dan sikan is dekelà is utang din he wazè en peveyazi kandin.” Ne ke si Jesus te, “Benar, su iyan sikandin utew lavew he zekelà is gehinawa zin dutun te etew he neutangan dan.”