Mateo 15:6 - Manobo Western Bukidnon

⁶ Ne zutun,” ke si Jesus, “sumalà is penurù niw, wazè en kinahanglan he ebeg̵ayan din pa te tavang is ginikanan din. Iyan heini paag̵i niw wey niw kenà metuman is Lalag te Megbevayà wey niw iyan metuman haazà is keniyu he penurù.

Mateo 15:6 교차 참조

Mateo 15:5

Ne iyan keniyu he penurù is: ke zuen etew he zuen din igketavang te iney zin wey amey zin, idtug̵ut niw he egkag̵i sikandin diyà te kandan te, ‘Heini is idtavang ku pezem keniyu, kenè ku igkeveg̵ey su imbuwis ku en heini te Megbevayà.’

Mateo 15:7

Tarù is kedtuu niw te Megbevayà! Utew hustu is Lalag te Megbevayà he insurat te tipehuna he ebpeneuven he si Esaias. Netagnè kew zin, su ke sikandin te,

Marcos 7:13

Ne pinaag̵i kayi te nepengevilin niw he menge vetasan, ed-iniyug̵an niw is Lalag te Megbevayà ne kenà ebpulus diyan te keniyu. Ne mezakel pa is menge ulaula niw he iring kayi.”

Ruma 3:31

Ibpesavut ku he iyan dà ketezengan ke maan is ed-isipen ki zin he metazeng is kedtuu ta, iyan, kenè niw isipa he tenged kayi wazè en pulus te menge sug̵ù te Megbevayà su tenged te kedtuu ta ki Jesus, hustu en dutun is kegketumana ta te menge sug̵ù din.

1 Timoteo 5:16

Ke zuen tumutuu he vahi he zuen menge keg̵apì din he valu he vahi, kinahanglan he elimahi zin. Kenè din serig̵i is duma he tumutuu he iyan ed-elima su wey kenà mesemuki is menge tumutuu he ed-elima te zuma he menge valu he vahi he wazà egkeserig̵an.

1 Timoteo 5:8

Su ke zuen tumutuu he kenè din ed-elimahan is menge edsarig kandin, lavew en sikandan he ziyà ed-ubpà te valey zin, mid-engkezan din en is kedtumana zin te tuluuwen tew. Meupiya pa sikan is wazà meketuu kenà sikandin.