Marcos 9:22 - Manobo Western Bukidnon

²² Su is mezaat he mulin-ulin, layun din edhimuwa he mekeagbur ziyà te hapuy wey ziyà te wahig su edhimetayan din. Ne emun duen egkehimu nu, ne ikehizu key kenikew ne iawè nu ziyà te kandin heeyan is egezamen din.”

Marcos 9:22 교차 참조

Mateo 14:31

Ne segugunà migewezi sikandin ni Jesus te egkag̵i te, “Maan is kenè ka ebpekesarig kediey? Maan is eduwazuwa ka?”

Mateo 17:15

Ke sikandin te, “Datù, kehizuwi nu is anak ku. Ebevuyen sikandin ne utew merasey is egkeulaula zin su layun egkeulug diyà te hapuy wey ziyà te wahig.

Mateo 20:34

Ne nehizuwan sikandan ni Jesus ne midampè din is menge mata zan. Ne zutundutun nepuwasan is ked-ehè dan, ne miduma zan ki Jesus.

Mateo 8:2

Ne zutun, duen it-iten he mid-uvey ziyà te kandin. Ne heini is it-iten, midluhuzan din si Jesus ne migkag̵i te, “He Zatù, emun meupiya zà te g̵ehinawa nu netuenan ku he egkeulian a kenikew kayi te utew meremerik he egezamen ku.”

Mateo 9:28

Ne hein mid-ulì en si Jesus diyà te valey zin, nekeuma zaan haazà is dezuwa he lakap. Ne migkeg̵iyan din sikandan te, “Edtuu kew ve he egkeulian ku is mata niw?” Ne midtavak dan te, “Uya, Datù, edtuu key.”

Marcos 5:19

Iyan, wazà medtug̵ut si Jesus he meduma kandin haazà is etew, kekenà, migkeg̵iyan din te, “Ulì ke en ne tudtula nu te kezuzumahi nu is utew zekelà he utew meupiya he midhimu te Nengazen diyà te kenikew wey is hizu zin kenikew.”

Marcos 9:21

Ne zutun mid-insaan ni Jesus is amey zutun te vatà te, “Sengemenu en kelug̵ayad is kegezama zin keniyan?” Ne midtavak haazà is amey zutun te vatà te, “Puun pa te zeisey pa sikandin he vatà.

Marcos 9:23

Ne midtavak si Jesus te, “Maan is id-insè nu ke zuen egkehimu ku? Ibeg̵ey te Megbevayà is minsan hengkey he ebuyuen te etew he zuen din kedtuu te Megbevayà.”

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”