14 Sengevuuk dà he supas is dutun te kandan su nelipat is menge sumusundan din he ed-uwit te supas he egkelutù dan.
Ne midlayun dutun te ranew is menge sumusundan ni Jesus, ne wazè dan mekeuwit te supas su nelipatan dan.
Ne zutun mid-ewaan eni Jesus haazà is menge etew. Mid-untud dan en maan te avang su edlayun dan dutun te ranew.
Ne zutun duen sempità he impezineg kandan ni Jesus. Ibpesavut din he likayi zan is menge mezaat he vetasan te menge etew. Ke sikandin te, “Andam kew wey niw melikayi is tapey te menge Peresiyu wey is tapey te menge sakup ni Hadì Hirudis.”
