Marcos 6:32 - Manobo Western Bukidnon

³² Ne zutun mid-untud dan te avang su edhendiyè dan te tanà he wazà duen menge etew.

Marcos 6:32 교차 참조

Marcos 3:9

Ne migkeg̵iyan ni Jesus is menge sumusundan din he megkuwa zan te avang su wey zin meuntuzi emun egkelipitlipit sikandin te utew mezakel he menge etew.

Marcos 4:36

Ne zutun mid-ewaan dan is mezakel he menge etew ne is menge sumusundan ni Jesus, mid-untud dan duen te avang he sikan is mibpinuuwan ni Jesus ne migenat dan. Ne zuen daan duma zutun he menge etew he nemen-aavang is eduma kandan.

Marcos 6:33

Ne hein egenat dan en naahà sikandan te mezakel he menge etew ne netuenan dutun te menge etew he iyan haazà ensi Jesus. Ne zutun, haazà is menge etew, nemelelag̵uy zan he ebpuun te langun he menge inged dutun, ne nemeyvey zan he edhuna ziyà te egketendangan dutun te avang he mid-untuzan eni Jesus.

Marcos 6:45

Ne impemeuntud ni Jesus te avang is menge sumusundan din wey zan mekehuna mekelayun pehendiyà te zehipag dutun te ranew pehendiyà te inged he Bitsayda su ibpemeulì din pa haazà is mezakel he menge etew.

Marcos 6:51

Ne midruran sikandin dutun te avang dan ne mid-engked haazà is keramag. Ne utew zan si Jesus ingkeinuinu.

Juan 6:1

Ne neipus heini mid-awà si Jesus dutun ne midhendiyà te tanà he ziyà layun te ranew he Geliliya, he migngezanan daan te Tibiryu.