37 Ne hein diyè dan en te lawed ne midtekewtekew mebpengeramag te utew mevendes ne egkeselikuvungan en te vag̵el haazà is avang ne egketeg̵uan en te wahig.
Ne zutun mid-ewaan dan is mezakel he menge etew ne is menge sumusundan ni Jesus, mid-untud dan duen te avang he sikan is mibpinuuwan ni Jesus ne migenat dan. Ne zuen daan duma zutun he menge etew he nemen-aavang is eduma kandan.
Ne si Jesus, nekelipezeng diyà te huziyan he zulung dutun te avang he mid-uulunà. Ne migunggel sikandin dutun te menge sumusundan din he ke sikandan te, “Egkelavu kiw en! Kenè nu ve ebeliyen ke egkeg̵erè kiw?”
Ne nekesukung haazà is barku te mevavew he tanà ne mid-enget. Is egkehuna he zulung kenè en egkewaleng, iyan, is huziyan he zulung egkerupet en te kezesen te zezekelà he menge vag̵el.
Ketetelu ad bug̵ela pinaag̵i te menge tuked. Midtuleng a te vatu te menge etew su edhimetayan e zan pezem. Ketetelu en daan melavu is barku he mid-untuzan ku ne zuen timpu he sengekezukileman wey sengeandew ziyà a te lawed te zag̵at is nekeg̵eg̵entungan dà.
