Marcos 4:24 - Manobo Western Bukidnon

²⁴ Ne mid-uman megkag̵i si Jesus te, “Purungi niw pemineg̵a is penurù ku keniyu su sumalà is kebpurung niw kebpemineg, ibeg̵ey keniyu te Megbevayà is kedsavut, asal zekelè pa is ibpesavut din keniyu.

Marcos 4:24 교차 참조

Mateo 7:2

Su is idsawey niw te zuma niw ne iyan daan idsawey keniyu te Megbevayà. Is kezekelà te idsawey nu te zuma nu, iyan daan kezekelà te idsawey kenikew te Megbevayà.

Marcos 9:7

Ne neselikuvungan sikandan te g̵apun ne nezineg dan is midtik-ew megkag̵i he ebpuun dutun te g̵apun te, “Iyan heini sikan is Anak ku he utew ku minahal. Pemineg̵a niw is menge lalag din.”

Lucas 8:18

Umba, purungi niw te ebpemineg is ibpenurù ku su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin haazà is kunaan din ke nesavut din en.”

Juan 10:16

Ne zuen pa menge kerehidu ku, he ke và dà egkeg̵iya, menge g̵aked ku he etew, he kenà kayi te seled te ginhedian te menge Hudiyu. Ed-uwiten ku zaan sikandan ne ebpemineg dan kedì. Ne zutun sebsevaha zà is tudil ne sebsevaha zà daan is ed-elima kandan su iyan e zà.

Juan 10:27

Su is menge g̵aked ku he etew, ebpemineg dan te menge lalag ku. Egkekilala ku sikandan ne edsundan dan kediey.

Juan 5:25

Utew venar is egkeg̵iyen ku keniyu he egkeuma is andew ne neume en guntaan he siak is Anak te Megbevayà, egkezineg te menge etew he wazè pa meveg̵ayi te untung is menge lalag ku kandan, ne haazà is ebpemineg, ebeg̵ayan ku te untung he wazà pidtemanan.

Nengeulaula 17:11

Ne zeyzey is menge Hudiyu zutun te Biriya kenà te menge Hudiyu ziyà te Tiselunika su memetulanged dan mulà. Ne utew zan egkesuat he ebpemineg te impesavut kandan. Ne kada andew edsusiyen dan is insurat he Lalag te Megbevayà su ed-ahaan dan ke tutuu ve iyan haazà is ibpenurù eni Pablo.

2 Kurintu 9:6

Kenè niw lipati heini is sempità he emun deisek is ibpemula ta, deisek daan is egkerag̵un ta, ne emun dekelà is ibpemula ta, dekelà daan is egkerag̵un ta.

Hibriyuhanen 2:1

Ne tenged kayi, kinahanglan he edhemenan tew ebpurungi is tutuu he tuluuwen he impenurù kenitew wey tew kenà melekai su kela ke mekesuwey kiw te tutuu he ibayà.

1 Pedro 2:2

Ed-iring ki zuen te vatà he kemulu pa edsusu he layun egkesuat te g̵atas. Kinahanglan he layun ki ed-inum te g̵atas he iyan is wag̵as he Lalag te Megbevayà su wey layun mebmezesen is kedtuu ta taman te timpu keuzemà he edtulusen ki te Megbevayà.

1 Juan 4:1

Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.