Marcos 4:10 - Manobo Western Bukidnon

¹⁰ Ne hein wazè en utew etew zutun su iyan dan dà is menge sepulù wey zezuwa he sumusundan ni Jesus wey is kenà utew mezakel he menge etew, mid-insaan dan si Jesus ke hengkey is ibpesavut din dutun te menge sempità.

Marcos 4:10 교차 참조

Mateo 13:3

Ne zutun mezakel is impenurù din kandan pinaag̵i te menge sempità. Ke sikandin te, “Duen etew he midhendiyà te pemuleey zin su ebpemula.

Mateo 13:36

Ne zutun mid-ewaan ni Jesus haazà is mezakel he menge etew ne midseled sikandin diyà te valey. Ne is menge sumusundan din, midtelukun dan kandin, ne ke sikandan te, “Luwasa nu kenami ke hengkey is kehulug̵an te menge mezaat he pinemula ziyà te kamet he zuen te sempitè nu.”

Marcos 4:11

Ne ke si Jesus te, “Sikiyu is menge sumusundan ku, ibpesavut en keniyu te Megbevayà sikan is in-eles dengan mehitenged te kedhadì din, iyan, is menge zuma he menge etew, ibpenurù kandan pinaag̵i te menge sempità.

Marcos 4:34

Pudu menge sempità is impezineg ni Jesus diyà te menge etew, iyan, emun iyan dan dà te menge sumusundan din, ne ibpesavut din kandan is kehulug̵an dutun te menge sempità he penurù din.

Marcos 4:9

Ne mid-uman megkag̵i si Jesus te, “Kinahanglan he sevuta niw heini is nezineg niw.”

Marcos 7:17

Ne hein mid-awà si Jesus dutun te menge etew ne midseled diyà te valey, ne mid-insaan sikandin te menge sumusundan din ke hengkey is kehulug̵an duen te migkag̵i zin.