25 Ne ke zuen edlingahaan te sengevelayan ne ebpekunkuntedahà is menge sakup din, meg̵aan egkevengkag is upakat dan.
Penenglitan ke zuen hadì ne ebpetebtebekà is menge sakup din, meg̵aan egkeawà is gehem din te kedhadì.
Umba ke egkuntedahan ni Setanas is menge sakup din, kenà egkeug̵et is keg̵ehem din te kebayàbayà, kekenà, meg̵aan egkeawà ne egkehanew.
Iyan, emun iyan niw zà ed-ul-ulahan is kebpepespesipelehey wey kebpeeg-eg̵età, ne egkepurung egkezeeti is upakat niw te menge tumutuu ki Kristu.
Ke zuen menge etew he egkesina wey mepelevawen, utew zan egkesemuki ne ed-ul-ulahan dan is minsan hengkey he mezaat.
