Marcos 16:5 - Manobo Western Bukidnon

⁵ Ne mid-ahuk dan dutun te idselang te penlevengà ne neehè dan is ebpimpinuu he menguhed he etew ziyà te egkekewanan dan he kukumbalà te meputì he manggad. Ne zutun nekehuyab is gehinawa zan.

Marcos 16:5 교차 참조

Mateo 28:3

Is dagwey zin, ne ebpekesirang su utew merayag, ne utew zaan meputì is ugelingen din.

Marcos 1:27

Ne utew nengeinuinu is langun he menge etew zutun, ne tenged dutun mibpelelelag̵è dan te, “Hengkey vuwa heini? Kela ke veg̵u en heini he tuluuwen su maan is utew sikandin mekeg̵eg̵ehem te kebayàbayà te minsan menge mezaat he mulin-ulin, ne ebpemineg kandin.”

Marcos 14:33

Ne zutun miduma zin si Pedro, si Santiago, wey si Juan, ne midlaus dan pa ziyà te egkehunaan dutun. Utew neseeng sikandin wey mibmesakit utew is gehinawa zin.

Marcos 16:4

Iyan, hein midlingehè dan, neehè dan he nelilid en sikan is batu zutun he utew zekelà.

Marcos 9:15

Ne hein naahà te menge etew he ebpelingguma si Jesus, utew zan nengeinuinu su wazè dan peebuta haazà is kebpekeuma ni Jesus, ne zutun migaanggaan dan medsinug̵ung diyà te kandin.

Lucas 1:12

Ne zutun te kegkeahaa ni Zacarias kayi netentanan sikandin su utew nahandek.

Juan 20:8

Ne zutun midseled daan sikan is sumusundan he nehuna he nekeuma. Neehè din daan haazà is langun, ne minsan pa te wazè dan pa metueni is menge insurat he tagnà he kinahanglan he ebenhawen si Jesus, midtuu sikandin dutun he nevanhew en si Jesus.