Marcos 14:45 - Manobo Western Bukidnon

⁴⁵ Ne zutun te kebpekeuma ni Hudas, segugunè din mid-uvayi si Jesus ne migkag̵i te, “Na! Menunudlù!” Ne midhezekan din.

Marcos 14:45 교차 참조

Marcos 12:14

Ne hein nekeuma haazà is menge sug̵ù, migkag̵i zan diyà te ki Jesus te, “Menunudlù, netuenan dey he metazeng ka he etew. Is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei, kekenà, tutuu is ibpenurù nu he ibpeveelan kenitew te Megbevayà. Umba, keg̵iyi key kenikew, ebpekesupak ki ve te kesug̵uan tew ke ebayad ki te vuhis diyà te hadì tew he ziyà te inged he Ruma?”

Marcos 14:44

Si Hudas, is giya zan diyà te ki Jesus, migkag̵i zin he zaan ke hengkey is tuus te kegketueni zan ki Jesus, ke sikandin te, “Is etew he edhezekan ku, ne iyan en ebpen-ahaan niw. Ne zekepa niw en ne purungi niw ventayi ke ed-uwiten niw.”

Marcos 14:46

Ne midakep dutun te menge etew si Jesus ne mibpekehemenan dan te egawed.

Lucas 6:46

Ne mid-uman megkag̵i si Jesus te, “Maan is egkeg̵iyen niw he iyan a egalen niw, iyan, kenè niw edtumanen is menge sambag ku keniyu.

Juan 20:16

Ne zutun migkag̵i si Jesus te, “Maria!” Ne mid-etuvang si Maria ne te kineg̵iyan he Hibriyuhanen migkeg̵iyan din si Jesus te, “Rebuni!” he ke và dà kenitew, “Menunudlù.”

Juan 4:31

Ne zutun te kemulu pa haazà is bahi ziyà te inged, migkeg̵iyan si Jesus te menge sumusundan din te, “Datù, kaan ka.”