Marcos 14:35 - Manobo Western Bukidnon

³⁵ Ne midlaus pa sikandin diyà te egkehunaan dutun ne midlangkeb diyà te tanà ne mid-ampù diyà te Megbevayà he ke egkehimu pa ne kenè en kandin ipeseg̵azan haazà is merasey he imbanglis kandin.

Marcos 14:35 교차 참조

Mateo 26:39

Ne midlaus si Jesus diyà te uvey zà dutun ne midlangkeb sikandin ne mid-ampù, ke sikandin te, “Amey ku, ke egkehimu zà ne kenè nu en kediey ipeseg̵azi heini is merasey he imbanglis nu kediey, iyan, kenà egkesunud is kediey he egkesuatan, kekenà, iyan egkesunud is kenikew he egkesuatan.”

Mateo 26:45

Ne zutun midlikuan din sikandan ne migkag̵i te, “Kemulu kew ves nehurep he ebpemenhidhizeg̵à? Siak is Kakey te Menusiyà, iyan en heini timpu he ibpalad a ziyà te menge lalung he etew.

Marcos 14:41

Ne netegteg̵aad pa zutun midlikuan din en maan sikandan te iketelu, ne ke sikandin diyà te kandan te, “Kemulu kew ves nehurep he ebpemenhidhizeg̵à? Netengkaan en heeyan su iyan en heini timpu he siak is Kakey te Menusiyà, ibpalad a ziyà te menge lalung he etew.

Lucas 22:41

Ne zutun midlaus si Jesus diyà te uvey zà ne midluhud ne mid-ampù diyà te Megbevayà.

Juan 12:23

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.

Impezayag 4:10

keluwaan wey heepat he ebmeg̵urangen diyà te etuvangan din ne ed-ezapen dan is wazè din kemetayen he Megbevayà. Ne haazà is menge kuruna zan, idsavuk dan dutun te etuvangan te pinuuwà su ibeg̵ey zan diyà te Megbevayà. Ne zutun te kedsevuka zan dutun, edhabet dan egkag̵i te,

Impezayag 5:14

Ne zutun midtavak sikan is heepat he linimbag, ke sikandan te, “Metuman heini.” Ne zutun midlangkeb en maan haazà is menge ebmeg̵urangen ne mid-azap dan.